Ազգային անվտանգության ծառայությունը հաղորդագրություն տարածեց այն մասին, որ Դավիթ Գալստյանին (Պատրոն Դավիթ) մեղադրանք է առաջադրվել՝ խարդախությամբ պետական բյուջեից առանձնապես խոշոր գումար հափշտակելու համար։ Հաղորդագրության մեջ ԱԱԾ-ն նշում էր, որ «Դ․Գ-ն նախնական համաձայնության գալով նույն ընկերության տնօրեն Ա.Բ.-ի հետ, ի սկզբանե առանձնապես խոշոր չափերի գումար հափշտակելու դիտավորությամբ, ընկերության անունից ՀՀ պաշտպանության նախարարության հետ կնքել է պայմանագիր, որի համաձայն՝ ընկերությունը պարտավորություն է ստանձնել 2018 թվականի ընթացքում, ՀՀ ԶՈՒ ԳՇ կարիքների համար մատակարարել 1983-1986թթ. արտադրության հրանոթի համապատասխան տրամաչափի կրակոցներ․․․կնքված պայմանագրի հիման վրա ընկերության հաշվին է փոխանցվել առանձնապես խոշոր չափերի՝ 523.089.000 ՀՀ դրամին համարժեք, 1.083.000 ԱՄՆ դոլար՝ այդ կերպ խարդախությամբ հափշտակվել է առանձնապես խոշոր չափերի հիշյալ գումարը։ Առանձնապես խոշոր չափերով գումարներ հափշտակելու կասկածանքով ՀՀ ԱԱԾ քննչական դեպարտամենտ է բերման ենթարկվել մատակարար կազմակերպության խորհրդի նախագահ Դ. Գ.-ն, ով նույն օրը ներգրավվել է մեղադրյալ ՀՀ քրեական օրենսգրքի համապատասխան հոդվածի հատկանիշներով և միջնորդություն է ներկայացվել Դատարան՝ կալանավորումը որպես խափանման միջոց կիրառելու վերաբերյալ»:
Տեքստից չէր հասկացվում՝ ինչ դատավարական կարգավիճակ ունի Դավիթ Գալստյանը, արդյոք նա ձերբակալված է։ Պարզվում է, որ ոչ։ Ձերբակալված չէ։ ԱԱԾ-ն միջնորդություն է ներկայացրել դատարան՝ կալանքը որպես խափանման միջոց կիրառելու համար եւ այդ միջնորդությունը քննվելու է վաղը, ժամը 11-ին։ Հետաքրքիր զուգադիպությամբ այդ միջնորդությունը քննելու է իշխանությունների «սրտի դատավոր» Մնացական Մարտիրոսյանը, որը, հիշեցնենք, նաեւ նախկին բոլոր իշխանությունների «սրտի դատավորն» էր, քանզի հնազանդորեն կատարում էր նրանց հրահանգները եւ այն բոլոր կալանքի սանկցիաները, որոնք անհրաժեշտ էին իշխանություններին, որպես կանոն, մշտապես մակագրվել են դատավոր Մացոյին։ Կարող ենք կանխատեսել, որ վաղը Պատրոն Դավոն կկալանավորվի եւ իշխանությունները հանրությանը կկարողանան մատնացույց անել պատերազմի պարտության մեղավորներից մեկին։
Փետրվարի 2-ին՝ ժամը 16։00-ին, Հայելի ակումբի հյուրն է տնտեսագետ, կառավարման փորձագետ Ռոլանդ Մարտիրոսյանը
Փետրվարի 2-ին՝ ժամը 14։00-ին, Հայելի ակումբի հյուրն է քաղաքագետ Էդգար Էլբակյանը
Փետրվարի 2-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Փետրվարի 2-ին՝ ժամը 11։00-ին, Հայելի ակումբի հյուրն է քղաքագետ Հայկ Նահապետյանը
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հետևեք մեզ Viber-ում
