«30 արծաթով» լռողները

Քաղաքական, հասարակական, իրավապաշտպան ոլորտի բազում ներկայացուցիչներ, որոնք 2016 թվականի ապրիլյան քառօրյա պատերազմից հետո իշխանություններին օրուարեւ չէին տալիս, եւ 800 հեկտար հողային եւ 100 մարդկային կորուստը դրոշակ դարձրած դատափետում էին օրվա ռազմաքաղաքական իշխանություններին, այսօր կարծես մկան ծակը հազար թումանով են գնել ու չեն էլ պատրաստվում հանուն սեփական արժանապատվության գոնե հրապարակային հայտարարություններով դատապարտել Նիկոլ Փաշինյանի ցեղասպան քաղաքականությունը:
44 օրյա պատերազմից հետո, երբ նախկին Արցախից ծվեններ են մնացել, ունենք մոտ տաս հազար զոհ, նույնքան վիրավոր, հարյուրավոր անհետ կորած ու գերեվարված մարդիկ, երբ ցեղասպան իշխանությունն երը Արցախը հանձնելուց բացի զիջում են նաեւ Սյունիքը, Մեղրին են բացում թուրքի առջեւ, թվում էր թե Ժիրայր Սեֆիլյանի Սասնա ծռեր խմբակը փողոցներից տուն չի գնա , կմնա այնքան, քանի դեռ Նիկոլ Փաշինյանը չի հեռացել իր պաշտոնից, քանզի ապրիլյա պատերազմից հետո այս խմբակը ի դեմս Սեֆիլյանի, արապապյանների, վարուժանավետիսյանների ՝ իբր թե կորցրել էր հոգու հանգստությունը, երկու տարի շարունակ թմբկհարում էին 800 հեկտարի կորուստը եւ խոստանում, որ վաղ թե ուշ հետ են վերադարձնելու այդ տարածքները, թեեւ 44-օրյա պատերազմի ընթացքում նույնիսկ փորձեր չարեցին, նրանք բողոքի ակցիաներ էին կազմակերպում, տեսանյութեր հրապարակում՝ ցույց տալով ապրիլյան քառօրյայի մեր կորուստները գրաֆիկայի միջոցով, իսկ ինչ են անում մեր օրերում, միայն իրենց, Նիկոլ Փաշինյանին եւ սրանց օտարազգի տերերին է հայտնի:

Շուշիի գումարտակի հրամանատար կոչվող Սեֆիլյանի ձայնը չլսվեց, երբ հանձնեցին Շուշին, չի լսվում հիմա, երբ Նիկոլ Փաշինյանը Շուշիի պատմությունն է խեղաթյուրում՝ակնակելով, որ այն հայկական տարածք չէ:

Փաշինյանի զինակից Սասուն Միքայելյանն էլ կար ժամանակ, երբ խրոխտ հայտարարում էր, որ իրենք հող հանձնող չեն, հող ազատագրող են ու թող մեկը համարձակվի հող հանձնի, կտեսնի իր հալը: Ուզում ենք, որ պարոն Միքայելյանը վերջապես դուրս գա իր թաքստոցից եւ ցույց տա, թե ինչ էր նախատեսեել հող հանձնողի համար…

Ապրիլյան քառօրյան մնացել էր նաեւ որոշ գրանտակեր իրավապաշտպանների եւ քաղաքագետների կոկորդում, հատկապես Ստյոպիկ Սաֆարյանի, Ստեփան Գրիգորյանի: Վերջին պատերազմին նախորդած տավուշյան մարտերի առիթով Ստեփան Գրիգորյանը ցնծում էր, թե պետք է ճշմարիտ լինենք ու ասենք, որ մեր բանակը շատ լուրջ փոփոխվել է: <<Պարզ է, որ դա նաեւ հեղափոխության, բանակի զարգացման հարցում Նիկոլ Փաշինյանի անմիջական միջմատության արդյունքն է: Հայաստանում հեղափոխությունից հետո բանակի հետ կապված հարցերը շատ ու շատ առաջ գնացին եւ լուրջ հետեւություններ արվեցին Ապրիլյան պատերազմից>>: Ասում էր, թե ի տարբերություն նախկինների, հիմա կա նոր քաղաքական ղեկավարություն, որը նախկիններից ճիշտ դասեր քաղեց: Իսկ հիմա նա էլ է լռում շատերի պես:
Սրանք մարդիկ են, որոնք հայրենիքի, պետության շահը վաճառել են <<30 արծաթով> ու խոսում կամ լռֆում են իրենց ներսի եւ դրսի տերերի հրահանգով:

Անի Սահակյան