Լավ չենք արել ուրեմն. վարչապետը նախարարին

Հողօգտագործողներին մատչելի գնով դիզվառելիք հատկացնելու մասին որոշման նախագծի,ըստ որի  2017 թվականի գյուղատնտեսական աշխա­տանքների համար մատչելի գներով դիզվառելիքի ձեռքբերման նպատակով պետական աջակցության ծրագրի իրականացման համար 171 մլն 500 դրամ սուբսիդիա  կտրամադրվի,կառավարությունն ընդունեց: Դիզվառելիքը կտրամադրի «Մաքսհուր» ընկե­րությանը՝ մինչև 5 մլն լիտր դիզելային վառելիքի մատակարարումները կազմակերպելու համար: 1 լիտր դիզվառելիքի համար սահմանված է 314.3 դրամ, որից սուբսիդավորման ենթակա գումարը 1 լիտրի համար 34.3 դրամ է: «Ուշացրե՞լ ենք նախագիծը»,հետաքրքրվեց վարչապետը ,ինչին ի պատասխան Իգնատի Առաքելյանն ասաց. «Ուշացրել ենք, քանի որ սկզբից մտածում էինք, որ իմաստ չունի ծրագիրն իրականացնել, բայց…իրականում գարնանացան աշխատանքներին ուշացրել ենք»: «Դե, լավ չենք արել, լավ չենք արել ուրեմն: Հետևեք՝ հիմա մաքսիմալ էդ ամեն ինչը կարգավորենք»,- նշեց վարչապետը: