Մոսկվայի փոթորիկը կհասնի՞ Հայաստան.պարզաբանում է Սուրենյանը
«Մոսկվայում մայիսի 29-ին տեղի ունեցած փոթորիկը Հայաստան չի ներթափանցի: Պետք է ասեմ, որ այդ ճակատը, որը ձևավորվել էր Արկտիկայից ներթափանցած -5 աստիճան ջերմաստիճան ունեցող և Միջերկրական ծովի բարձրացած +20 աստիճան ջերմաստիճան ունեցող օդային զանգվածների բախումից, այսինքն մոտ 25 աստիճան ջերմաստիճանային տարբերությամբ հոսանքների բախումից, արդեն հասել է Սիբիր Այսպիսի կարծիք կա մեր հասարակության մեջ, թե Մոսկվայի կլիմայական պայմանները ներթափանցում են Հայաստան: Ուզում եմ հանգստացնել և ասել, որ այդպես չէ »,-լրագրողների հետ հանդիպմանը,անդրադառնալով այն մտահոգություններին,թե հնարավոր է որ Մոսկվայի փոթորիկը ներթափանցի Հայաստան ,ասաց ՀՀ ԱԻՆ հիդրոմետծառայության օդերևութաբանության կենտրոնի պետ Գագիկ Սուրենյանը: «Այս պահին մենք մտավախություն չունենք, որ այդ փոթորկաբեր ճակատը կարող է հասնել Հայաստան: Հանրապետությունում առաջիկա օրերին, երեկոյան ժամերին կարող է դիտվել ամպրոպ և քամու ուժգնացում, բայց այդպիսի փոթորիկ չի կանխատեսվում»,- հավելեց նա:
Հետևեք մեզ Viber-ում
