Ես հրապարակային ներողություն կխնդրեմ Հանրապետության հրապարակում.Գ. Կոստանյան

«Ոչ մեկին այս օրենքով արտոնություն չի տրվում: Ավելին, արտոնություն չի տրվում քննիչներին դատախազների համեմատությամբ և դատախազներին քննիչների համեմատությամբ: Այս օրենքը վերաբերում է և՛ քննիչներին, և՛ դատախազներին: Եթե որևէ մեկդ հիմա կարող եք ասել, թե այս օրենքը եղել ա կոնկրետ սուբյեկտին՝ քննչական կոմիտեի քննիչին կամ հատուկ քննչական ծառայության քննիչին, կամ հարկայինի քննիչին, կամ ԱԱԾ քննիչին, ես հրապարակային ներողություն կխնդրեմ Հայաստանի Հանրապետության հրապարակում: Չկա տենց բան», -ԱԺ ամբիոնից ,արձագքնելով   Նիկոլ Փաշինյանի հայտարարությանը, ասաց ՀՀԿ-ական պատգամավոր Գևորգ Կոստանյանը: Հիշեցնենք,որ քննիչների ու դատախազների կենսաթոշակին վերաբերող օրենսդրական նախաձեռնության քննարկման ժամանակ ԵԼՔ դաշինքի պատգամավոր Նիկոլ Փաշինյանն ասել է,թե Քննչական կոմիտեի նախագահ Աղվան Հովսեփյանի շնորհիվ կան արտոնյալ, բարձր կենսաթոշակ ստացող դատախազներ ու քննիչներ: «Իմ անձնական դրսևորումները այնքան ակնառու են բոլոր տեսանկյունից՝ սպորտից սկսած, վերջացրած ցանկացած այլ դրսևորում, որ ես պատրաստ եմ դրանք ավելի ակնհայտ դարձնել Ձեզ համար ևս»,-անդրադառնալով Փաշինյանի այն մտքին, թե Կոստանյանը գլխավոր դատախազ եղած պաշտոնում շատ լավ իմացել է, որ Աղվան Հովսեփյանի շնորհիվ Քննչական կոմիտեի քննիչներն ունեցել են առավելություն, ասաց Գևորգ Կոստանյանը: