Հուլիսն ու օգոստոսը բավական շոգ են լինելու.Գագիկ Սուրենյան

«Հայաստանում առաջիկա ամիսները, մասնավորապես, հուլիսն ու օգոստոսը բավական շոգ են լինելու:Այս տարի արևադարձային ջերմային ցիկլոնի ակտիվացման փուլն է, իսկ այդ պրոցեսը ձևավորվում է Արաբական թերակղզու վրա, ինչն էլ ապահովում է Հայաստանի տարածք արաբական անապատներից արևադարձային տաք օդային հոսանքների ներթափանցում:Քանի որ այս տարի ջերմային ցիլկոնի ակտիվացման փուլն է, հուլիս-օգոստոս ամիսներին օդի ամսական միջին ջերմաստիճանը կլինի նորմայից բարձր: Առանձին օրերին Արարատյան դաշտում, Տավուշի հովտային շրջաններում և Երևանում կդիտվի +40 աստիճան, Մեղրիում, Կապանում և Ագարակաում՝ մինչև +41+42 աստիճան տաքություն», - լրագրողների հետ հանդիպմանը տեղեկացրեց ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը: Հունիս ամսին  Հայաստանում օդի ջերմաստիճանը և տեղումների քանակը կանխատեսվում է նորմայի սահմաններում. Արարատի, Արմավիրի մարզերում, Արագածոտնի, Կոտայքի և Վայոց ձորի նախալեռներում առանձին օրերին ցուրտ օդային հոսանքների ներխուժման արդյունքում գիշերային ժամերին ջերմաստիճանը կիջնի +7 +12 աստիճանի, իսկ ցերեկային ժամերին կհասնի +33 +36 աստիճանի,ասաց նա: Շիրակում, Գեղարքունիքի, Արագածոտնի և Վայոց ձորի լեռնային շրջաններում առանձին օրերին գիշերը ջերմաստիճանը կիջնի +2+5, իսկ ցերեկային ժամերին՝ +24+28: Նվազագույն ջերմաստիճանը Լոռու մարզում կանխատեսվում է +3+6, ցերեկային ժամերին՝ +25 +30: Տավուշում նույնը, իսկ Սյունիքում գիշերը կդիտվի +10+ 15 ցերեկային ժամերին ջերմաստիճանը կհասնի +33+37 աստիճանի: