Անհրաժեշտ է Լեհաստանի աջակցությունը

Վրաստանը հույս ունի ստանալ Լեհաստանի աջակցությունը եվրոատլանտյան ինտեգրման հարցերում։ Այս մասին հայտնել է Վրաստանի նախագահ Գեորգի Մարգվելաշվիլին Լեհական ռադիոյին տված հարցազրույցում։ Ինչպես ասել է՝ պատրաստվում է անձամբ դիմել Լեհաստանի նախագահ Անջեյ Դուդային, որը եռօրյա այցով Վրաստանում է: Նա նշել է, որ Լեհաստանի նախագահի հետ միջազգային հարթակներում յուրաքանչյուր հանդիպման ժամանակ ինքը նրա մեջ տեսնում է մի մարդու, որն իրոք հասկանում է վրացի ժողովրդի խնդիրները։