Անզիջում դիրք բռնել Brexit­-ի շուրջ բանակցություններում.Մեյ

Sky News հեռուստաալիքի եթերում Մեծ Բրիտանիայի վարչապետ Թերեզա Մեյը ասել է,որ  պատրաստ է անհրաժեշտության դեպքում չափազանց դժվարին զրուցակից լինել Brexit-­ի շուրջ բանակցություններում: «Մենք մեր պատմության շատ կարեւոր պահն ենք ապրում, մենք հնարավորություն ունենք իրոք բարեփոխել երկիրն ապագայում: Դրանցից գլուխ հանելու եւ ի բարօրություն երկրի ճիշտ վարվելու համար հարկավոր է անջիջում կին, հենց այդպիսին էլ ես լինելու եմ:Դա վերաբերում է Brexit-­ի շուրջ ծանր բանակցություններին»: Վաղաժամկետ խորհրդարանական ընտրությունները Մեծ Բրիտանիայում նշանակված են հունիսի 8-­ին: Հասարակական կարծիքի հարցումները վկայում են պահպանողականների առաջատարության մասին: Դրա հետ մեկտեղ ընդդիմադիր Լեյբորիստական կուսակցության նկատմամբ նրանց առավելությունը կրճատվում է եւ ներկայում կազմում է 5­-ից մինչեւ 12 տոկոս: Մեյը հրաժարվել էր քաղաքական մյուս կուսակցությունների ղեկավարների հետ ուղղակի բանավեճերից, սակայն այնուհետեւ համաձայնել է մասնակցել լեյբորիստների առաջնորդ Ջերեմի Քորբինի հետ ոչ ուղղակի հեռուստաբանավեճին: