Ռուսաստանում՝ մեքենայի մեջ， գտել են 48-ամյա հայ տղամարդու եւ նրա երկու տարեկան երեխայի մարմինները

Չելյաբինսկում մգեցված ապակիներով լքված մեքենայում հայտնաբերվել են 48-ամյա տղամարդու և նրա երկամյա որդու մարմինները, նրանք կորել էին մեկ ամիս առաջ: Վարկածներից մեկի համաձայն, հայրը սպանել է որդուն, ապա ինքնասպան եղել: Մեքենայի մեջ հայտնաբերվել է սինթետիկ թմրամիջոց հիշեցնող նյութ, որը ուղարկվել է փորձաքննության: Ըստ chelyabinsk.74.ru-ի, այս մասին հաղորդել է Քննչական կոմիտեի Կուրչատովյան շրջանի քննչական բաժնի ղեկավար Իգոր Միտրոխինը: Տուժողները Հայաստանի քաղաքացիներ են， ովքեր կորել էին դեռևս մայիսի 1-ին: Այն ժամանակ նրա կենակցուհին՝ երեխայի մայրը, հայտարարություն էր ներկայացրել ոստիկանություն: Սկսվել էին որոնումները, որոնք արդյունք չէին տվել: Մայիսի 17-ին քրեական գործ էր հարուցվել սպանության հատկանիշներով: Երեկ, մայիսի 28-ին, մեքենան գտել էին սակավամարդ վայրում, Շահումյանի փողոցում: Անցորդներից մեկի ուշադրությունը գրավել է մեքենայից եկող դիակային հոտը: Մեքենայի սրահ նայել չի հաջողվել՝ մգեցված ապակիների պատճառով, ուստի քաղաքացիները դիմել են ոստիկանություն: «Մենք տիրապետում ենք տեղեկատվության այն մասին, որ նախապատրաստություն էր իրականացնում»,- բացատրել է երեխայի դիտավորյալ սպանության և ինքնասպանության մասին վարկածը Իգոր Միտրոխինը: Վերջին ժամանակներս թմրանյութերի չարաշահման ֆոնի վրա նրա մոտ զարգացել է պարանոյա, հետապնդման մոլուցք: Ենթադրում ենք, որ հենց դա կարող էր դառնալ հանցագործություն կատարելու պատճառը, ասել է Միտրոխինը: Հայտնի է, որ դատված տղամարդը նախկինում լավ հայտնի էր քրեական շրջանակներում, սակայն հետագայում սկսել էր թմրանյութեր օգտագործել և վերջին ժամանակներս որևէ որոշակի վաստակ չուներ: Նշանակվել է դատաբժշկական փորձաքննություն, սակայն տղամարդու ու երեխայի մահվան պատճառները պարզելու հարցում կարող են խնդիրներ առաջանալ ուժգին փտածության մարմինների ձևափոխությունների հետ կապված: Արյուն ու մազեր կվերցվեն օրգանիզմում թմրանյութերի առկայությունը որոշելու համար: Միտրոխինը չի բացառում, որ հայրը սկզբից թմրանյութեր է տվել որդուն, ապա ինքն ընդունել մահացու չափաբաժին: Երկու կամ ավելի, այդ թվում փոքրահասակ մարդու սպանության գործով նախաքննությունը շարունակվում է:

Աղբյուր` Փաստինֆո