«Երեխան դառնում է կռվախնձոր». Նելլի Դուրյան

«2017թ-ի 4 ամիսների ընթացքում հանրապետությունում երեխաների նկատմամբ գրանցվել է 59 բռնության դեպք՝ նախորդ տարվա 71-ի փոխարեն: Երեխաների նկատմամաբ բռնության դեպքերը եղել են հիմնականում ծեծի, նաեւ սեռական անձեռնմխելիության խախտման եւ սեռական հանցագործության»,-լրագրողների հետ հանդիպմանը ասաց  ՀՀ ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը: Տեղեկացրեց, որ ընդհանուր դեպքերի թվում նվազել են սեռական բռնության դեպքերը: Մասնավորապես, այս տարի չորս ամիսներին գրանցվել է սեռական բռնության 24 դեպք, նախորդ տարվա 34­-ի փոխարեն: Ընտանեկան բռնության դեպքերը եղել են 4­-ը, նախորդ տարվա 4­-ի դիմաց: «Երեխան դառնում է կռվախնձոր, նրան մի ծնողից մյուսին տալու համար գործը հասնում է ոստիկանությանը: Բարձրացվում են հարցեր, ծնողի, տատիկի, պապիկի տեսակցության հետ կապված: Այստեղ ոստիկանությունը որոշակի դերակատարություն ունի և փորձում ենք աջակցել երեխաներին»,­-ասաց Նելլի Դուրյանը