Հայ զինծառայողները տեռորիստների են հայտնաբերել .Արթուր Սիմոնյան

«2007 թվականից խաղաղապահ գումարտակը վերակազմավորվել է բրիգադի, որովհետև մեր առջև դրված առաջադրանքների թիվն ու ծառայության ձևերը մեծացել էին: Մասնակցում է ՀՀ ԶՈՒ մարտական պատրաստվածության բոլոր ծրագրերին և առաջին հերթին կատարում ենք ՀՀ ԶՈւ առջև դրված խնդիրները: Մասնակցում ենք ՆԱՏՕ-ի և ՄԱԿ-ի ենթակայության ներքո իրականացվող վարժանքներին, որոնց հիմքում խաղաղապահության ծրագրերն են»,-այսօր լրագրողների հետ հանդիպմանն  ասաց ՀՀ ԶՈՒ խաղաղապահ բրիգադի հրամանատար, գեներալ-մայոր Արթուր Սիմոնյանը: «2004 թվականի փետրվարից Կոսովոյում՝ հունական գումարտակի կազմում, սկսվել է իրենց առաջին աշխատանքը: Այն ավարտվել է 2011 թվականին, վերականգնվել 2012 թվականին՝ արդեն ԱՄՆ ԶՈՒ կազմում: Այս պահին օդանավակայանի և անցագրային կետի անվտանգությունն են ապահովում»,-տեղեկացրեց հրամանատարը: 2005-2008 թվականին հայ խաղաղապահները եղել են Իրաքում: 2010 թվականից մեր խաղաղապահներն իրենց առաքելությունն իրականացնում են Աֆղանստանում: «2012 թվականից հայ խաղաղապահները տեղափոխվել են Քաբուլ և իրականացնում են այդ տարածքի անցագրային կետերի անվտանգությունը, որոնք ամենախոցելի են՝ այս կետերում են գործում մահապարտները: Քունդուզի օդանավակայանում ծառայության ընթացքում երկու տեռորիստ հայտնաբերվել և ձերբակալվել են մեր զինծառայողների կողմից: Հետագայում պարզվեց, որ այստեղ պետք է ժամանեին օտարերկրյա բարձրաստիճան պաշտոնյաներ»,-նշեց Արթուր Սիմոնյանը: «Մեր զիծառայողները բացի իրենց բուն գործից նաև դեսպանի դեր են կատարում:Մերոնք պարել ու բացատրել են «Բերդ», «Յարխուշտա» պարերի նշանակությունը»,-ընդգծեց  ՀՀ ԶՈՒ խաղաղապահ բրիգադի հրամանատարը: Արթուր Սիմոնյանը տեղեկացրեց, որ այս տարի խոշոր զորավարժություններ են անցկացվելու: