Քիչ առաջ Mediaport տելեգրամյան ալիքը հղում անելով իր աղբյուրներին հրապարակել էր տեղեկություն այն մասին, որ անհետ կորած զինվորների ծնողները ծեծի են ենթարկել Արցախի Պաշտպանության բանակի հրամանատար Միքայել Արզումանյանին։ Ըստ ալիքի՝ դեպքը տեղի է ունեցել երեկ՝ ուշ երեկոյան, երբ ՊԲ-ից հերթական անգամ խուսափողական պատասխաններ են տրվել շուրջ երկու ամիս իրենց զավակներին փնտրող ծնողներին: Ծնողները Հայաստանի և Արցախի իշխանություններին մեղադրել են անգործության մեջ»:
Տեղի ունեցած միջադեպի վերաբերյալ Irakanum.am-ին նոր մանրամասներ են հայտնի դարձել։ Մեր աղբյուրների փոխանցմամբ անհետ կորած զինվորների հարազատները, ովքեր Հայաստանից էին մեկնել Արցախ՝ տեղում իրենց զավակների մասին տեղեկություններ ստանալու համար ստիպված են եղել ժամերով սպասել, մինչև ՊԲ պատասխանատուներից որեւէ մեկը իրենց կընդունի։ Դրսում հավաքվածներին հերթական անգամ փորձ է արվել հուսադրել, թե խնդրով զբաղվում են, սակայն հարազատները պահանջել են անհապաղ հանդիպում կազմակերպել ՊԲ հրամանատար Միքայել Արզումանյանի հետ։ Հանդիպումը կայացել է Արզումանյանի աշխատասենյակում։ Իրենց զավակներից տևական ժամանակ որեւէ տեղեկություն չունեցող մարդկանց համբերության բաժակը լցվել է, և նրանք սկսել են կոտրել աշխատասենյակի գույքը, հարվածել Արզումանյանին։ Իրավիճակը փորձել են հանդարտեցնել հրամատարական կետում գտնվողները։ Մեզ հայտնի դարձավ, որ դեպքի մասին տեղեկանալով ՊԲ է շտապել նաեւ Արցախի նախագահ Արայիկ Հարությունյանը։ Վերջինիս թվացել է, թե իր ներկայությունը կարող է հանդարտեցնել կրքերը, սակայն տեսնելով Հարությունյանին անհետ կորած զինծառայողների հարազատներն ավելի են զայրացրել։ Մեր աղբյուրների փոխանցմամբ ներկաներից մեկն անգամ թքել է Հարությունյանի վրա։ Այս հանգամանքն իհարկե զայրացրել է Հարությունյանի թիկնապահներին, սակայն շեֆի հրահանգով նրանք որեւէ քայլ չեն կատարել։ Հարությունյանը շտապ լքել է Արզումանյանի աշխատասենյակը։
Irakanum.am-ը փորձեց կատարվածի առնչությամբ պարզաբանումներ ստանալ Արայիկ Հարությունյանի մամուլի քարտուղար Վահրամ Պողոսյանից, սակայն վերջինս մեր հեռախոսազանգերին չպատասխանեց։
Միաժամանակ նշենք, որ պատրաստ ենք հրապարակել նաեւ իրենց պարզաբանումը։
Փետրվարի 2-ին՝ ժամը 16։00-ին, Հայելի ակումբի հյուրն է տնտեսագետ, կառավարման փորձագետ Ռոլանդ Մարտիրոսյանը
Փետրվարի 2-ին՝ ժամը 14։00-ին, Հայելի ակումբի հյուրն է քաղաքագետ Էդգար Էլբակյանը
Փետրվարի 2-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Փետրվարի 2-ին՝ ժամը 11։00-ին, Հայելի ակումբի հյուրն է քղաքագետ Հայկ Նահապետյանը
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հետևեք մեզ Viber-ում
