Երազում եմ «Ավրորա» մրցանակաբաշխությունն անցկացնել Դեյր էզ-Զորում

«Ավրորա» մրցանակաբաշխության համահիմնադիր Նուբար Աֆեյանը Երեւանում կայացած ամփոփիչ ասուլիսում հայտնեց ,որ  զոհի զգացողությունը, որը հայերը կրել են սերունդներով, թույլ չի տվել օգուտ քաղել մեր ցավից եւ օգնել ուրիշներին։ «Զոհի բարդույթը մասամբ բացատրվում է այն փաստով, որ Ցեղասպանությունը չի ճանաչվել հանցագործների հետնորդների կողմից։Մենք զբաղված էինք արդարության համար պայքարով:Մենք կարծում ենք, որ հայերը պետք է պատասխանատվություն ստանձնեն »,- նկատել է Աֆեյանը՝ խոսելով Մերձավոր Արեւելքում նախաձեռնությանն աջակցելու մասին։ «Ավրորա» մարդասիրական նախաձեռնության հիմնադիր Ռուբեն Վարդանյանը հուսով է, որ «Ավրորա» մրցանակը ցմահ պարգեւ կդառնա։ «Երազում եմ, որ մենք կարողանանք մրցանակաբաշխությունն անցկացնել Հալեպում՝ խաղաղության պայմաններում, Դեյր էզ-Զորում, որտեղ Հայոց ցեղասպանության ժամանակ զոհվեց հայերի մեծ մասը։ Ցավոք, երազանքը կարող է չկատարել որոշ պատճառների բերումով, բայց ես հենց այդ մասին եմ երազում»,- ասել է Ռուբեն Վարդանյանը ամփոփիչ ասուլիսում։