Մադոննան սիրավեպ է սկսել

radaronline.com-ի փոխանցմամբ,58-ամյա Մադոննան նոր սիրավեպ է սկսել 31-ամյա պորտուգալացի Քևին Սամպայոյի հետ , ով կարիերա է կերտում մոդելային բիզնեսում: Նրանք ծանոթացել են  մեկ տարի առաջ, երբ նա մասնակցել է իր Bitch, I am Madonna տեսահոլովակի նկարահանումներին: Բայց այդ ժամանակ երգչուհին տարված էր ուրիշ գեղեցիկ երիտասարդով՝ կոտդիվուարցի Աբուբաքր Սումահորոյով: Մադոննային և Քևինին միասին տեսել են մի քանի ամիս առաջ: Այդ ժամանակ նրանք ճաշել են Նյու-Յորքի ռեստորաններից մեկում: Նշվում է, որ վերջերս երգչուհու և Քևինի հարաբերություններում արագ առաջընթաց է դիտվում: Ըստ պարբերականի՝ նրանք մտածում են միասին ապրելու մասին: Քանի որ Սամպայոն ժամանակի զգալի մասը Լիսաբոնում է անցկացնում, Մադոննան լրջորեն մտածում է Պորտուգալիա տեղափոխվելու մասին: