Դադիվանքի պատերի տակ թուրքեր են․ տեր Հովհաննեսի խոսքը հանրահավաքին (video)
-Կարո՞ղ եք ասել պատճառը որն է, որ մենք հպարտ քաղաքացի ենք: Հպարտությունը մեծ մեղք է: Այսօր բազում երկրներ, որոնք պատերազմի մեջ չեն, չեն ասում հպարտ քաղաքացիներ, բայց մենք կորցնելով մեր տարածքները, մեր զինվորների մարմինները թողնելով այնտեղ, մեզ հպարտ քաղաքացի ենք համարում:
Գիտեմ, որ եկել եք ձեր արդար ձայնը բարձրացնելու, բայց կան մարդիկ, որոնք ուզում են այս ամենը կռվի վերածել: Եթե այդպիսիները կան, խնդրում եմ վաղը, մյուս օրը հավաքվենք ու գնանք այնտեղ, որտեղ պետք է կռվենք: Այն սահմանում, որտեղ թշնամին մեզ է սպասում: Մենք պետք է մաքրենք մեր երկիրը, սա դեռ սկիզբն է: Այսօր Դադիվանքի պատերի տակ թուրքն է քայլում,- Ազատության հրապարակում «Հայրենիքի փրկության շարժման» հանրահավաքի ժամանակ նշեց Դադիվանքի վանական համալիրի վանահայր Տեր Հովհաննես քահանա Հովհաննիսյանը:
Հետևեք մեզ Viber-ում
