Նիկոլ Փաշինյանը հայ ժողովրդին դժոխք է ուղարկել․ Պուտինի նուրբ ակնարկը

ՌԴ նախագահ Վլադիմիր Պուտինը ՀԱՊԿ նախագահության առցանց համաժողովի ժամանակ նուրբ դետալներով է խոսել Հայաստանի պարտված առաջնորդ Նիկոլ Փաշինյանի գործունեության մասին։ Նա <<անձնական խիզախություն>> է որակել

Փաշինյանի կայացրած որոշումը և կոչ արել անդամ երկրների ղեկավարներին աջակցել Փաշինյանին ու նրա թիմին՝ դուրս գալ դժվարին իրավիճակից․ «Իսկապես, Հայաստանը և Հայաստանի ժողովուրդը պատմության շատ բարդ ժամանակաշրջան ապրեցին։ Հայաստանի ղեկավարությունը, Կառավարության ղեկավարը ստիպված եղան ընդունել շատ բարդ, բայց Հայաստանի ժողովրդի համար անհրաժեշտ որոշու։ մՊետք է նշեմ, որ այդ որոշումները ցավոտ էին, սակայն, կրկնում եմ, անհրաժեշտ էին, և դրանց ընդունումը պահանջեց Հայաստանի վարչապետի անձնական խիզախություն։ Այս նիստին ներկաներից բոլորը հասկանում են պատասխանատվության չափը նման որոշումներ կայացնելու դեպքում։ Նա այդ որոշումը կայացրել է և պատասխանատվությունն իր վրա է վերցրել։ Մեր խնդիրն է աջակցել Հայաստանի վարչապետին և նրա թիմին, որպեսզի կարգավորվի խաղաղ կյանքը, կյանքի կոչվեն ընդունված որոշումները, և որպեսզի օգնենք բարդ իրավիճակում հայտնված մարդկանց»,- հայտարարել է Վլադիմիր Պուտինը։ Բայց մինչ այս Պուտինը գլոբալ անդրադարձ է կատարել ՀԱՊԿ անդամ երկրներում տիրող իրավիճակին՝ նշելով, որ այնտեղ բարդություններ են առաջացել Ղրղըզստանում տեղի ունեցած իրադարձություններից հետո, որոնք, ինչպես հայտնի է, ավարտվեցին հեղափոխությամբ, Բելառուսի ընտրություններից հետո առաջացած քաղաքական իրավիճակով, ինչպես նաև Լեռնային Ղարաբաղի վերջին ռազմական գործողությունների հետևանքով։ Մեկնաբանելով Բելառուսում նախագահական ընտրություններից հետո տեղի ունեցող իրադարձությունները՝ նա նշել է, որ տարբեր երկրներում տեղի ունեցած «գունավոր հեղափոխությունները տանում են դեպի դժոխք»:

«Նմանատիպ իրադարձություններում անհանգստացնում է արտաքին աշխարհի միջամտությունը, ֆինանսական սնուցումը, տեղեկատվական ուղեկցումը, քաղաքական աջակցությունը: Ժողովուրդներին պետք է հնարավորություն տալ, որպեսզի իրենք լուծեն իրենց հետաքրքրող հարցերը: Մենք տեսել ենք, թե ինչպես էին զարգանում իրադարձությունները արաբական աշխարհում, այսպես կոչված, «Արաբական գարնան» ընթացքում: Ինչի՞ բերեց դա: Էլ չեմ խոսում այլ «գունավոր հեղափոխությունների» մասին: Դրանք բացատրում են «բարի» ու «ազնիվ» մտադրություններով, սակայն այդ «լավ» մտադրությունները ճանապարհ են հարթում դեպի դժոխք: Ահա թե ինչի են տանում այդ «լավ մտադրությունները, միջամտությունն այլ պետությունների ներքին գործերին»,- ասել է Պուտինը։ 

Եվ միայն այս հայտարարություններից հետո է Պուտինն արտաբերել Փաշինյանի անձնական խիզախության մասին կախարդական բառերը, որը հեղափոխական զոմբիների մոտ պուտինապաշտական հոգեխանգարմունք է առաջ բերել։ Իսկ ի՞նչ է ասել Պուտինը․ փաաստացի նա ծաղրել է ՀԱՊԿ նախագահական ֆորումին ներկա միակ հեղափոխություն իրականացրած առաջնորդին՝ Նիկոլ Փաշինյանին, շատ հստակ արձանագրելով, որ նա դեռևս 2018 թվականին, իրականացնելով թավշյա հեղափոխություն, հայ ժողովրդին տարել է դժոխք։ Իսկ ինչ բառերով կարելի է բնութագրել այն մեկին, ով ժողովրդին խոստացել էր երջանկություն ու հպարտություն, սակայն տարել է դժոխք՝ զրկելով նրան հայրենիքից, սեփական տհասությամբ պատճառ դառնալով հազարավոր զոհերի, վիրավորների, անհետ կորածների և գերության  մեջ հայտնվածների։ Ռուսները նրան կասեին` сукин сын: Մնում է հասկանալ, թե այս դեպքում ում сукин сын-ն է Նիկոլը։ Թերևս այս պահին նա Կրեմլի սուկին սինն է, որովհետև կատարել է Կրեմլի բոլոր պահանջները։ Արցախը հանձնել է Ադրբեջանին, իսկ մնացած մի փոքր հատվածն էլ՝ Ռուսաստանին։ Այս է պատճառը, որ Պուտինն առաջարկում է աջակցել և կարեկցել նրան, միաժամանակ հիշեցնելով, թե ով է Նիկոլ Փաշինյանը հայ ժողովրդի համար։

Հայկ Դավթյան