Ընդդիմության թեկնածուի անունը հայտնի է

ՀՅԴ խմբակցության անդամ Արծվիկ Մինասյանը այսօր հայտնել է, որ վաղը կհայտարարվի   ազգային համաձայնության կառավարության ղեկավարի անձի անունը: Որոշիչ հանրահավաքի մասին վաղը հայտարարություն կլինի: Չեմ ուզում փակագծերը բացել, բայց թող  ժողովուրդն իմանա, որ այն սպասելիքները, որոնք բարձրաձայնվել են այս ընթացքում՝ ապագա զարգացումների հետ կապված, մեծ հանրահավաքի ժամանակ կներկայացվեն,- հավելել է նա:

hayeli.am-ի ունեցած տեղեկություններով՝ ընդդիմության թեկնածուն Հայաստանի երրորդ հանրապետության առաջին վարչապետ, ԱԺՄ նախագահ Վազգեն Մանուկյանն է:

Վազգեն Մանուկյանը 2009 թվականի մարտից 2019 թվականի դեկտեմբեր Հանրային խորհրդի նախագահն էր, իսկ 2019 թվականից  «Վերնատուն» հասարական- քաղաքական ակումբի նախագահն է:

Նշենք, որ նոյեմբերի 9–ի եռակողմ հայտարարության ընդունումից հետո Հայաստանի ընդդիմադիր ուժերը պարբերեբար հանրահավաքներ են անցկացնում ՀՀ վարչապետ Նիկոլ Փաշինյանի հրաժարականի պահանջով։