Այսօր Հայաստանում չկա իշխանություն․ պայմանավորվել ենք այսօր չխոսել Նիկոլ Փաշինյանի մասին. Մհեր Մկրտչյան (video)
Շառլ Ազնավուրի հրապարակում մտավորականների հանրահավաքի մեկնարկին ռեժիսոր Մհեր Մկրտչյանը, դիմելով ներկաներին, նշեց, որ ցանկանում են լսելի դարձնել բոլոր գերի վերցված և զոհված զինծառայողների ծնողների ու հարազատների ձայնը:
Նա նշեց, թե իրենց կողքին կանգնելով՝ ներկաներն ավելի լսելի են դարձնում իրենց ձայնը:
«Այսօր Հայաստանում չկա իշխանություն, որ ի վիճակի է զբաղվել գերիների խնդրով, բանակցություններ վարել թշնամու ու դաշնակիցների հետ, և պայմանավորվել ենք այսօր չխոսել Նիկոլ Փաշինյանի մասին: Մենք խնդրում ենք Հայաստանում ներկայացուցչություններ ունեցող բոլոր երկրներին օգնություն ցուցաբերել ռազմագերիների և զոհվածների դիերի վերադարձի հարցով»,-ասաց նա:
Նա նաև նշեց՝ այսօր ոչ մի քաղաքական գործիչ հարթակ չի բարձրանա:
Հետևեք մեզ Viber-ում
