Նիկոլի բոմժերն ու իրենց դավաճան տերը

Ազգը խայտառակելուց, ստորոցուցիչ կապիտուլյացիա ընդունելուց ու Արցախն, ըստ էության, 80 տոկոսով թուրքին տալուց հետո Նիկոլ Փաշինյանը սեփական իշխանության եւ աթոռի փրկության ծրագրին է լծվել: Փոխում է կառավարության իշխանությունների անձնական օգտագործման գործարարների հետ հանդիպում՝ դախազ վարկաբեկված,որոնք հիմա էլ Նիկոլ Փաշինյանի ձեռքի թաշկինակն են դարձել: Հետո գործարան է այցելում, Արցախի մի քանի տարածքներն առանց մի փամփուշտի կրակելու հանձնած կապիտուլանտը ռազմարդյունաբերությունը զարգացնելու հրահանգներ է տալիս: Պատկերացում եք՝ մի դավաճան դերասան, որի բարձր հովանու ներքո պետությունը 130 մլն դոլար հատկացրել է 4 հատ մետաղի ջարդոն՝ անպետք , առանց հրթիռ ռազմական ինքնաթիռ՝Սու առնելու համար, այսօր ռազմարդյունաբերության զարգացումից է խոսում:

Պարզ ասած՝ պրծած ղեկավարը, պրծած վարչապետը իրեն վարչապետ զգալու համար ոչ մի քայլ չի խնայում, ոչնչի առաջ կանգ չի առնում:

Երկու օր առաջ, օրինակ, Նիկոլ Փաշինյանը հերթով հանդիպել է Արդյունաբերողների և գործարարների միության նախագահ Արսեն Ղազարյանի, «Ալեքս հոլդինգ»-ի հիմնադիր Սամվել Ալեքսանյանի, «Սովրանո»-ի սեփականատեր Արման Սահակյանի, «Սպայկա»-ի սեփականատեր Դավիթ Ղազարյանի, «Մենյու էյէմ»-ի հիմնադիր Վահան Քերոբյանի հետ:
Մյուս կողմից՝ զարմանալ կարելի է նշված գործարարների վրա: Իհարկե, սրանց իրենց շահերն է նախեւառաջ հետաքրքրում, բայց միթե այս մարդիկ հայ չեն, սրանք չեն ուզում վաղն էլ ապրել հայրենիքում, բաց ճակատով քայլել Երեւանի փողոցներում ու չարժանանալ լուտանքների, ինչ են մտածում, երբ հանդիպում են Նիկոլ Փաշինյանի նման մեկի հետ, ով հայրենիք է ծախել թշնամուն: Համաձա՞յն են նրանք
այդ դավաճանությանը, թող հայտարարեն այդ մասին, որպեսզի ժողովուրդն էլ իր քայլն անի այս մարդկանց ու
նրանց նկատմամբ: Ի դեպ Սամվել Ալեքսանյանի մասին մի քանի օր է, ինչ մամուլում շրջանառվում են համառ լուրեր առ այն, որ Նիկոլ Փաշինյանը իրեն պաշտպանող հրոսակախմբեր է ձևավորել, նաև զենք է բաժանել: Մի՞թե Նիկոլ Փաշինյանի «սրտի օլիգարխները» գործարարները ոչինչ չունեն ասելու, թե իրենց թիկնապահական «զորքը» ումից եւ ինչու են պաշտպանում:

Պարոնայք, դո՞ւք ինչից եք ահաբեկված, վախենում եք, որ ձեզ հարկային տեռորի՞ կենթարկի, այդքան ժողովրդավա՞ր է ձեր վարչապետը: Ի դեպ, բոլոր ժամանակների, բոլոր իշխանությունների ժամանակ խլուրդիկ գործարար Սամվել Ալեքսանյանը Նիկոլ Փաշինյանի դռանը չոքելուց ժամեր հետո էլ շտապել է իր նախկին տերերի մոտ, մասնակցել Ռիտա Սարգսյանի հոգեհանգստին, աջուձախ վստահեցրել, որ ինքը պետականամետ է, բոլոր իշխանությունների ժամանակ էլ պետության կողքին է եղել: Բայց վստահեցնում ենք՝ սա այդ դեպքը չէ, հայրենիքը հանձնած, ժողովրդի ողնաշարը կոտրած մոլագարի կողին կանգնողը եթե ժողովրդի դատաստանին էլ չարդարանա, Աստծու դատաստանից չի խուսափելու: Էլիտար բոմժերն իրենց պատվարժան տեղը հաստատ գտնելու են պատմության աղբանոցում:

Անի Սահակյան