Վստա՞հ եք, որ վաղը Երևանը չի տալու. Բագրատյան (video)

«Այս հետքը երկու տարի առաջ երևում էր, երբ հարձակվում էր դաշնակիցների, նախկին զինվորականների վրա: Այս տարի հոկտեմբերի 8-ին, երբ մարտերը գնում էին Հադրութի կողմը, արդեն մշակվել էր, որ Շուշին պետք է հանձնենք: Չնայած որտեղ հերոս տղաները կանգնած էին, կարող էին հակագրոհել, հետ բերել, բայց չէր թույլատրվում։  Մեզ տանում են նրան, որ Հայաստանը պետք է դառնա թուրքական վիլայեթ: Եթե Փաշինյանը մնա իշխանության՝ վստա՞հ եք, որ վաղը Երևանը չի տալու: Ինչպե՞ս պետք է տանենք երկրի նախագահին, ով ասում է՝ ես տեղյակ չեմ: Սահմանդրությամբ, ղարաբաղցիների կյանքի պատասխանատուն, ի դեպ, այդ մարդն է: Հոկտեմբերի 8-ին արդեն Փաշինյանին ասվել էր, որ Ալիևն ուզում է 7 շրջանները, գումարած Շուշին և ինչ կհասցնի գրավել բուն Լեռնային Ղարաբաղից, մի բան էլ՝ Հայաստանից», -  Ազատության հրապարակում տեղի ունեցող հանրահավաքի ընթացքում իր ելույթի ժամանակ ասաց ՀՀ նախկին վարչապետ Հրանտ Բագրատյանը։