Հիմնական թիրախը Իրանն է.արաբագետ
Արաբագետ Արմեն Պետրոսյանը Հայելի ակումբում լրագրողների հետ հանդիպմանն անդրադառնալով արաբական երկրների գագաթաժողովին Ադրբեջանի նախագահ Ալիևի մասնակցությանը, նշեց, որ այդ իրողությամբ հերթական անգամ բևեռացվում են Իրան-Ադրբեջան հարաբերությունները. «Այս գործընթացը և Ադրբեջանի հետագա մասնակցությունն այն տարբեր ձևաչափերին, որոնց հիմքը դրվեց Էր Ռիադում և որոնց հիմնական թիրախն Իրանն է, հանգեցնելու է Իրան-Ադրբեջան հարաբերություններում ցնցումների»։ «Մյուս կարևոր իրողությունը Թուրքիայի մեկուսացումն է: Այս այցով, Էր Ռիադում ձեռք բերված պայմանավորվածություններով և Սաուդյան Արաբիայի լիդերության ակնհայտ ընդգծմամբ՝ փաստացիորեն նշվում է, որ սուննիական աշխարհում ԱՄՆ-ի հիմնական գործընկերը Սաուդյան Արաբիան է»,-ասաց նա: «Այս ամենը կարող է հանգեցնել Ռուսաստան-Թուրքիա հարաբերությունների էլ ավելի մերձեցման: Այս համագործակցությունը, բացի Սիրիայի տարածքից, կարող է տարածվել նաև այլ տարածաշրջաններ, և գուցե՝ նաև մեր տարածաշրջան»,-հավելեց բանախոսը:
Հետևեք մեզ Viber-ում
