ԱԺ-ում հանձնաժողովների նախագահների և փոխնախագահների պաշտոնների համար պայքար է սկսվել
«Հրապարակ»-ը գրել է, որ «Ազգային ժողովում սենյակների ու մեքենաների բաշխմանը հաջորդել է հանձնաժողովների համար պայքարը։ Կրճատվող հանձնաժողովների նախկին անդամները պետք է նորերում ընդգրկվեն։ «Մարգարիտ Եսայանը, օրինակ, հայտարարել է, որ սխալ էր մարդու իրավունքների հանձնաժողովը կրճատելը, որի փոխնախագահն էր ինքը, ասել է, որ որոշ հանձնաժողովներ պարապ էին և կրճատման ենթակա՝ ակնարկելով Նաիրա Զոհրաբյանի եվրաինտեգրման հանձնաժողովը։ Եսայանը կդառնա կրթության, գիտության, մշակույթի հանձնաժողովի փոխնախագահ, ինչից նեղվել են Կարինե Աճեմյանն ու Ռուզաննա Մուրադյանը, ովքեր դժգոհում են, որ իրենք 5 տարի աշխատել են այդ հանձնաժողովում, ինչո՞ւ չպետք է իրենցից մեկը փոխնախագահ դառնար։ Ի դեպ, կրթության հանձնաժողովի նախագահի պաշտոնում Վարդան Բոստանջյանի առաջադրումը նույնպես միանշանակ չի ընդունվել, կարծիք կա, որ նա ավելի լավ կղեկավարեր տարածքային կառավարման, տեղական ինքնակառավարման, գյուղատնտեսության և բնապահպանության հանձնաժողովը, իսկ նախկին ռեկտոր Վարդևան Գրիգորյանը՝ կրթության հանձնաժողովը», - գրել է «Հրապարակ»-ը։
Հետևեք մեզ Viber-ում
