Հնգյակ երեխաների բոլորի անունո՞վ գումար կփոխանցվի

Այսօր առավոտյան համացանցում տարածվեց տեղեկատվություն այն մասին, որ 5-յակից ողջ մնացած զույգ քույրերի առողջությանը այլևս վտանգ չի սպառնում։ Երբ ծնվեց հնգյակը ՀՀ աշխատանքի և սոցիալական հարցերի նախարարությունից տեղեկացրին, որ 5-յակի ընտանիքը օրենքով սահմանված կարգով պետությունից կստանա 7.5 միլիոն ՀՀ դրամ։ Իսկ որքա՞ն գումար կստանա 5-յակի ընտանիքը՝ երկու երեխայի դեպքում։ Ի պատասխան Mypage.am-հարցադրմանը՝ ՀՀ աշխատանքի և սոցիալական հարցերի նախարարության հասարակության հետ կապերի բաժնից նշեցին, որ ըստ օրենքի՝ գումարը, իհարկե, փոխվում է. «Պերինատալ շրջանը հաղթահարած (կյանքի 7 լրիվ օրը) երեխաներից յուրաքանչյուրը կստանա 1 մլն դրամ, որից 500 000-ը՝ որպես ընտանեկան դրամագլուխ: Այսինքն՝ երեխայի ծննդյան միանվագ նպաստի գումարից 1.5 մլն դրամը ուղղակի վճարվող գումարն է, իսկ մյուս 1.5 մլն դրամը՝ ընտանեկան դրամագլուխ: 7 օրը չհաղթահարած երեխաներից յուրաքանչյուրին, օրենքով սահմանված կարգով, կտրվի 50 000 դրամ»։ Հույս ունենանք, որ օրենքով չնախատեսված աջակցությունները, որոնք խոստացել էին ծնողներին, անպայման կդրամադրվեն հասցեատերերին։ Առողջություն ենք մաղթում բալիկներին։