Արտակ Բեգլարյանը մանրամասներ է հայտնում քաղաքացիական զոհերի և վիրավորների մասին (video)

15:49 - 24/հոկտեմբերի/2020

Դիտել նաև Կառավարությանը կոնստրուկտիվ անվստահություն հայտնելու համար առկա են բոլոր իրավաքաղաքական հիմքերը․ Արտակ Զաքարյան Վերջին 30 տարիներին որ երկրի ղեկավարներին են իմփիչմենտ հայտնել և ի՞նչ է եղել նրանց հետ. Զաքարյան Ինչպե՞ս կարելի է «պետության տեր» համարել նրանց, ովքեր պատերազմում պարտված «վարչապետի» են ընտրում Ինչով են զբաղված այս պահին Արման Թաթոյանն ու Արտակ Բեգլարյանը

Սեպտեմբերի 27-ից ի վեր մենք արձանագրել ենք առնվազն 37 քաղաքացիական զոհ եւ առնվազն 118 քաղաքացիական վիրավոր: Այս մասին այսօր՝ հոկտեմբերի 24-ին, լրագրողների հետ հանդիպման ժամանակ նշեց Արցախի մարդու իրավունքների պաշտպան Արտակ Բեգլարյանը:

«Մեր նախնական վերլուծությամբ՝ մոտ 10․500 մասնավոր սեփականություն՝ բնակարան, տուն, խանութ, վնասվել է կամ ամբողջությամբ ոչնչացվել է»,- ասաց նա:

Անդրադառնալով վիրավորների թվին տեղեկացրեց, որ վիրավորներից մեկը հենց այս գիշեր է արձանագրվել Ավետարանոց գյուղում ադրբեջանական հրթիռակոծության հետեւանքով:

Բեգլարյանը հավելեց, որ հաշվի առնելով Հադրութում երկու քաղաքացիական անձանց սպանության տեսանյութը, որը տարածվել էր ադրբեջանական սոցիալական ցանցերում, ռիսկը մեծ է, որ կարող են այլ նման դեպքեր էլ լինել:

«Հաշվի առնելով Հադրութի դեպքը՝ երկու քաղաքացիական անձանց սպանությունը, որի վերաբերյալ տեսանյութը հրապարակվեց ադրբեջանական սոցիալական մեդիայում՝ ռիսկը մեծ է, որ կարող են այլ դեպքեր էլ լինել, որովհետև, մեր տեղեկություններով, անհայտ կորած քաղաքացիական անձինք կան այդ բնակավայրերից: Հաշվի առնելով նաև այն ձեռագիրը, որ կիրառվում է ադրբեջանական ԶՈՒ-ի կողմից՝ վտանգը բավական մեծ է, որ այդ քաղաքացիական անձինք զոհվել են կամ ենթարկվել են խոշտանգումների կամ այլ ռազմական հանցագործությունների»,- հավելեց Արցախի մարդու իրավունքների պաշտպանը: