Ինչ են ուզում ապահովել Ալիևի համար Արցախում. Ամերիկացի դեսպանի սենսացիոն բացահայտումը
ՆԱՏՕ-ում ԱՄՆ դեսպան Քեյ Բեյլի Խատչիսոնը սենսացիոն հայտարարությամբ է հանդես եկել ճիշտ այն օրը, երբ Հայաստանի Նախագահը Բրյուսելում, ՆԱՏՕ-ի կենտրոնակայանում, հանդիպել էր ՆԱՏՕ-ի գլխավոր քարտուղար Յենս Ստոլտենբերգի հետ ու խոսում էր ղարաբաղյան հակամարտության շուրջ ստեղծված իրավիճակի մասին:
Ահա, ՆԱՏՕ-ում ԱՄՆ դեսպան Քեյ Բեյլի Խատչիսոնը նախ ասել է, որ հյուսիստալանտյան դաշինքը անում է այն՝ ինչ Միացյալ Նահանգներն ու Ռուսաստանը, այն է՝ դադարեցնել 30 տարի ձգվող հակամարտությունը:
Ապա դեսպանը հայտարարել է. «ԵԱՀԿ Մինսկի խումբը՝ ԱՄՆ-ը, Ռուսաստանը և Ֆրանսիան, ցանկանում են վերադարձնել հակամարտությունը սկզբնական վիճակին, այն է՝ Ադրբեջանի ինքնիշխան սահմաններին, որի շրջանակներում կարող է գոյություն ունենալ հայկական բնակչությունը»:
Այնուհետև ՆԱՏՕ-ում ԱՄՆ դեսպան դեսպանը շեշտել է, որ՝ «այդ հարցը չի կարող լուծել ռազմական ճանապարհով, այն անհրաժեշտ է լուծել սահմանների ու ինքնիշխանության պահպանման շրջանակներում»: «Հենց սա է, ինչին մենք ձգտում ենք մենք և Ռուսաստանը, ինչպես նաև Ֆրանսիան», բացատրել է դեսպանը:
Փաստորեն, Հայաստանի արտգործնախարար Զոհրաբ Մնացականյանի ԱՄՆ կատարելիք այցի նախօրեին և Հայաստանի նախագահ Արմեն Սարգսյանի Բրյուսել կատարած այցի օրը ամերիկացի դիվանագետից պարզ ու հստակ նշվում է, թե ինչի են ձգտում ԵԱՀԿ Մինսկի խմբի համանախագահող պետությունները՝ այդ թվում և Միացյալ Նահանգները:
Այսինքն, լայնածավալ պատերազմի, խաղաղ բնակչության դեմ ահաբեկչության պայմաններում ամերիկացի դիվանագետը բացահայտել է մի նպատակ, որը ըստ նրա՝ աջակցում են նաև Ռուսաստանն ու Ֆրանսիան, և որը հակասում է համամարդկային բոլոր արժեքներին:
Փոխանակ Թուրքիայի ներգրավմամբ ու Սիրիայի ու Լիբիայի վարձկան ահաբեկիչների փաստերի առթիվ ժողովրդավարության «օրրան» Միացյալ Նահանգները հանդես գան կոշտ քննադատությամբ, փաստորեն, նրանք ղարաբաղյան ծագման պատճառները թողած, ցանկանում են Ադրբեջանին սահմանները «վերականգնել»՝ մեծահոգաբար հայ բնակչությանը կյանքի իրավունք առաջարկելով:
Մետաքսյա Շալունց
Հետևեք մեզ Viber-ում
