Սա իշխանությունների վրեժխնդրությունն է Անժելա Թովմասյանից. Գագիկ Համբարյան

Հոկտեմբերի 19-ին, Հեռուստատեսության և ռադիոյի հանձնաժողովում գումարվել է հանձնաժողովի նիստ, որի ընթացքում որոշում է կայացվել, որ «ԱՐՄՆՅՈՒԶ» հեռուսաընկերությամբ հեռարձակվող «Հայելու առաջ» հաղորդումը 30 օր եթերում չի լինի:

Որոշման մեջ մասնավորապես ասված է.

«Հաշվի առնելով այն փաստը, որ Օրենքով սահմանված է տեսալսողական հաղորդումներում օրենսդրությամբ արգելված արարքների կոչեր տարածելու արգելքը, իսկ Հեռարձակողների կողմից «Հայելու առաջ» հեղինակային հաղորդման ընթացքում չեն պահպանվել այդ դրույթների պահպանումը, Հանձնաժողովը որոշում է կայացրել կասեցնել «ԱՐՄՆՅՈՒԶ» ՓԲ և «ՌԱԴԻՈ 107 ՖՄ» ՍՊ ընկերությունների լիցենզիայի գործողությունը՝ «Հայելու առաջ» տեսալսողական հաղորդման մասով՝ 30 օր ժամկետով»:

Թեմայի շուրջ զրուցել ենք քաղաքագետ Գագիկ Համբարյանի հետ. «Սա իշխանությունների կողմից առիթից օգտվել է, քանի որ երկրում ռազմական դրություն է: Նրանք փակում են այն հաղորդումները, որոնք իրենք ի սկզբանե թիրախավորել էին: Այդ հաղորդումները ոսկորի նման մնացել են իշխանության կոկորդին: Սա վհուկների որս է, և որևիցե կապ չունի ռազմական դրության կանոնները խախտելու հետ: Ինքս այս ընթացքում հացրազրույց տվել եմ՝ պահպանելով հաղորդման պահանջները: Վստահ եմ՝ հաղորդման մյուս հյուրերը, եթե անգամ չեն պահպանել կանոնները, անելով «վտանգավոր» հայտարարություններ, հաղորդման հեղինակը, հաղորդումը պատրաստողները այդ ամենը դուրս են թողել եթերից:
Կարծում եմ՝ սա իշխանությունների վրեժխնդրությունն է Անժելա Թովմասյանից: Նրանք ամեն ինչ արեցին որ հաղորդումը փակվի «Կենտրոն» ՀԸ-ում, այնուհետև հաղորդումը եթեր գնաց «Արմնյուզ» ՀԸ-ով՝ ունենալով մեծ լսարան, հիմա էլ հասան նրան, որ այս ժամանակահատվածում գոնե 30 օրով փակեն հաղորդումը, որպեսզի իրենց հասցեին քննադատական խոսք չհնչի»: