«Հոգեբանական բարդույթ և մոլուցք»․ Լապշինը՝ Հադրութը գրավելու մասին Ալիևի կեղծ հայտարարության մասին
ՌԴ, Իսրայելի քաղաքացի, հայտնի բլոգեր Ալեքսանդր Լապշինն իր ֆեյսբուքյան էջում կրկին անդրադարձել է ԼՂ հակամարտության սրմանը, մասնավորապես Ադբրեջանի նախագահ Իլհամ Ալիևի հայտարարությանն առ այն, որ «իր երկրի զինված ուժերը գրավել են Հադրութը»:
«Հադրութի գրավման մասին հապճեպ հայտարարած և խայտառակված Ալիևի շուրջ շարունակվում է տրագիկոմեդիա ծավալվել: Հիշեցնեմ, որ չորս օր առաջ Ադրբեջանի նախագահը հայտարարեց, որ Հադրութը վերցրել են, այն դեպքում, երբ դա սուտ էր, և ի դժբախտություն Ալիևի քաղաքը ոչ միայն չէին վերցրել, այլև այնտեղ էին գտնվում ռուսական հեռուստաալիքների միանգամից մի քանի նկարահանող խմբեր և ռեպորտաժներ էին վարում։ Այսպիսով, ակնհայտ դարձավ, որ Ալիևին պարզապես հիմարացնում են իր իսկ գեներալները, որոնք պետության ղեկավարին ապատեղեկատվություն են հայտնում ռազմաճակատի իրավիճակի մասին»,- գրել է Լապշինը։
Նա նաև անդրադարձել է Ադրբեջանում ռուս լրագրող Սեմյոն Պեգովի դեմ հարուցված քրեական գործին։
«Հոխորտալից հայտարարեցին, որ քրեական գործ է հարուցվել լրագրող Սեմյոն Պեգովի դեմ, որը Հադրութը նկարահանող ռուս լրագրողների թվում էր: Այսինքն, իրեն խաբելու համար նա չի պատժել իր գեներալներին, սակայն որոշել է անձնական վրեժ լուծել ռուս լրագրողից»,- գրել է բլոգերը։
Լապշինի խոսքով՝ «արդեն 4-րդ օրն է, ինչ Ալիևն անընդմեջ իր բոլոր ուժերը նետում է Հադրութը գրավելու ուղղությամբ»։
«Հանուն ինչի՞։ Հոգեբանական բարդույթ և մոլուցք։ Նրա համար կարևոր է կոնկրետ Հադրութում բարձրացնել ադրբեջանական դրոշը, լուսանկարել այն և, ըստ էության, այդքանը, դրանից հետո կարելի է խայտառակվելով փախչել Հադրութից և պատերազմն ավարտել։ Սկզբունքային հարց է: Պետության ղեկավարն իսպառ անտեսում է այն փաստը, որ Հադրութն իրենց հիմա պետք չէ. դա ծուղակ է, որ ռազմավարական առումով պետք էր սկսել Ֆիզուլիից (արդեն ուշ է), և դա թույլ կտար մաքրել թևը և ճանապարհ բացել դեպի Ստեփանակերտ։ Բայց ոչ ։ Նա կսպանի իր հազարավոր զինվորների, նա կպարտվի պատերազմում, սակայն իր համար կարևոր է ապացուցել անձամբ Սեմյոն Պեգովին, որ դրոշը կլինի այնտեղ, որտեղ նա խոստացել էր իր ելույթում»,- գրել է Լապշինը։
Հետևեք մեզ Viber-ում
