Ժողովուրդը մեր բանակի հետ է, բայց նրան կրկին ուզում են պառակտել...ոչ ոք չի մոռացվելու, ոչինչ չի մոռացվելու.Թևանյան

Անդրանիկ Թևանյանի ֆեյսբուքյան իր էջում գրում է. 

«Հիմա պահը չէ՝ քննարկելու համար այն հարցը, թե ինչո՞ւ մեր ժողովրդին պառակտեցին պատերազմից առաջ և ինչո՞ւ ստացանք պատերազմ, երբ երկու տարուց ավելի ինտենսիվորեն մեզ պատրաստում էին խաղաղության՝ կասկածելի պայմաններում։ Կարևորն այն է, որ մենք այժմ գերհամախմբված ենք բանակի շուրջ և թշնամու դեմ։

Ժողովուրդը մեր բանակի հետ է, բայց նրան կրկին ուզում են պառակտել՝ ատելության խոսք տարածելով։

Իշխանությունը պահանջում է ներքին կյանքին վերաբերող թեմաներով իր հասցեին քննադատության զինադադար, ինչը հասկանալի է և ինչն ընդունվել է բոլորի կողմից։ Խնդիրը, սակայն, այն է, որ նույն այդ իշխանությունն իր գործիքների միջոցով ու կեղտոտ տեխնոլոգիաներ կիրառմամբ կռիվ է տալիս քաղաքական ընդդիմախոսների դեմ։ Ռազմական դրության պայմաններում սա հանցագործություն է և դատապարտելի։

Ոչ ոք չի մոռացվելու, ոչինչ չի մոռացվելու։

Կարևորը Հայաստանի ու Արցախի անվտանգությունը, անկախությունը և ազատությունն են»: