Պարգև Սրբազանը՝ պատերազմի ու հայ ժողովրդի մասին (video)
Համեմատ 90-ականների, այսօր Ադրբեջանը մեծ թվով զինանոց է օգտագործում՝ պատերազմ վարելով Արցախի ամբողջ երկայնքով: Այս մասին «Արմնյուզ» ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է Արցախի հոգևոր առաջնորդ Պարգև Սրբազանը՝ անդրադառնալով թշնամու կողմից սանձազերծած պատերազմին:
Ըստ Պարգև Սրբազանի՝ ո՛չ արցախցիների, ո՛չ բանակի համար անակնկալ չէր թշնամու հարձակումը. «Զինվորականներն ու հրամկազմը պատրաստ էին Ադրբեջանի այս գործողություններին, որովհետև մի քանի օր առաջ արդեն շարժ էին նկատում սահմանի երկայնքով»:
Դիտարկմանը՝ այս ժամանակահատվածում շատ են մարդիկ այցելում եկեղեցի, ի՞նչ հարցով են դիմում Ձեզ, Սրբազանը պատասխանել է. «Ժողովուրդն առաջին հերթին գալիս է աղոթելու խաղաղության, ժողովրդի ողջության համար»:
Հարցին՝ Հայաստանում վստահ են, որ մենք այսօր պատերազմում ենք Թուրքիայի դեմ, ոչ թե Ադրբեջանի, Պարգև Սրբազանը պատասխանել է. «Ես չէի ասի, որ Թուրքիան պատերազմում է մեր դեմ, բայց Թուրքիան ամեն ինչով աջակցում է այս պատերազմին: Ես չեմ բացառում, որ թուրք սպաները այսօր գտնվում են Ադրբեջանում ու խորհուրդ են տալիս ադրբեջանցիներին՝ ինչպես վարել մարտերը»:
Պարգև Սրբազանի խոսքով՝ մենք պարտավոր ենք այնքան լավ պաշտպանել, որպեսզի Ադրբեջանն ինքը հրաժարվի պատերազմական գործողությունից. «Ամեն ինչ կախված է նրանց, թե մեր բանակը որքան զորեղ է, ինչից էլ կախված է նաև այս պատերազմի արդյունքը»:
Հետևեք մեզ Viber-ում
