Շարմազանովն ու Հովհաննիսյանը խոստումներ տվեցին
«Շնորհակալ եմ բոլոր նրանց, ովքեր ԱԺ փոխնախագահի թեկնածությունում քվեարկեցին իր օգտին։ Շնորհակալ եմ իմ հարազատ Հանրապետական կուսակցությանը , իմ կուսակցության նախագահ Սերժ Սարգսյանին այս բարձր պաշտոնում ինձ երրրոդ անգամ առաջադրելու համար:Իմ օգտին քվեարկած ու չքվեարկած բոլոր պատգամավորներին», - Ազգային ժողովում հայտարարեց փոխանախագահ Էդուարդ Շարմազանովը։ «Մենք առաջիկա հինգ տարիների ընթացքում կաշխատենք այնպես, որ որևէ պատգամավոր, ով կողմ է քվեարկել իմ թեկնածությանը, չի փոխի իր կարծիքը, իսկ նրանք, ովքեր որ գտել են՝ քաղաքական կամ ոչ քաղաքական պատճառներով, որ ես արժանի չեմ այս պաշտոնին, նրանք էլ կգտնեն, որ հինգ տարի անց մենք միասին ավելի լավ աշխատեցինք մեր պետության համար, լուծեցինք բազում խնդիրներ», - ասաց Է. Շարմազանովը։ «Շնորհակալություն եմ հայտնում նրանց, ովքեր վստահել են ինձ և բոլոր նրանց, ովքեր դա չեն արել։ Շնորհակալություն եմ հայտնում ինչպես քաղաքական, այնպես էլ անձնական դիրքորոշումն արտահայտածներին։ Նվազագույնը՝ ազնիվ էր։ Ես ամեն ինչ անելու եմ իմ ելույթում հնչեցրած թեզերը իրականություն դարձնելու համար», - իր հերթին ասաց Արփինե Հովհաննիսյանը:
Հետևեք մեզ Viber-ում
