Քուվեյթը կսառեցնի նավթի արդյունահանումը

ՕՊԵԿ-ի ևս մեկ անդամ երկիր` Քուվեյթը, համաձայնվել է սառեցնել նավթի արդյունահանումը ներկա մակարդակում: Այդ մասին փետրվարի 16-ին հայտնել է Rambler News Service-ը հղում կատարելով Bloomberg-ին: Օրական երկիրը արդյունահում է մոտ 3 միլիոն բարել նավթ: Գործակալությունը նշում է, որ պայմանագիրը կգործի նվազագույնը երեք ամիս: Դա արվում է նավթի պաշարները կրճատելու նպատակով: Ավելի վաղ, փետրվարի 16-ին Ռուսաստանը և ՕՊԵԿ-ի անդամ մի շարք երկրներ (Սաուդյան Արաբիան, Քաթարը և Վենեսուելան) պայմանավորվել են սառեցնել նավթի արդյունահանումը: Օրվա ընթացքում նրանց միանալու մտադրություն է հայտնել նաև Իրաքը: Այդպիսով, 13 մասնակիցներից հինգը որոշել են սառեցնել արդյունահանումը: Այդ միջոցառմանը դեմ են հանդես եկել Իրանը և Ադրբեջանը: Համաձայնությունը կայացվել է նավթի գնի անկումը կանխելու նպատակով: Այնուամենայնիվ, բանակցությունների արդյունքների հայտարարումից անմիջապես հետո Brent նավթը էժանացել է` մեկ բարելի դիմաց հասնելով 35.50-ից 33.70 դոլարի: Տեղական ժամանակով 19.40-ի դրությամբ հյուսիսծովային նավթի մեկ բարելն արժեցել է 32.82 դոլար: