«Տնային աշխատանքը կատարել ենք». նախարարը՝ վարչապետին
Կառավարության նիստի ընթացքում ՀՀ վարչապետի պաշտոնակատար Կարեն Կարապետյանը՝ ֆինանսների նախարարի ժամանակավոր պաշտոնակատար Վարդան Արամյանից հետաքրքրվեց, թե իր հանձնարարականներից ինչ է արվել.«Մենք խոսել ենք, ՀՀ ողջ տարածքում առկա է մեծ քանակությամբ պարապուրդում գտնվող գույք՝ չնայած այն հանգամանքին, որ դրանք ունեն բավականին լուրջ ներուժ՝ ավելացված արժեք ստեղծելու համար: Մենք նաև պայմանավորվել էինք հատուկ վերաբերմունք ցույց տալ Սևանա լճի ավազանին և Երևանի կենտրոնին: Կառավարության ծրագրով նախատեսված է ներդնել նոր մեխանիզմներ՝ խթանելու պարապուրդում գտնվող գույքի մասնակցությունը տնտեսությունում ավելացված արժեքի ստեղծման հետ կապված»: Վարդան Արամյանն էլ կատակելով ասաց, որ տնային աշխատանքը կատարել են. «Պարո՛ն վարչապետ, այդ մոտեցումները գույքահարկի շրջանակներում նայել ենք, կատարել ենք բազմաթիվ վերլուծություններ և հաշվարկներ»,- ասաց Վարդան Արամյանը:
Հետևեք մեզ Viber-ում
