«Ժամանակավոր կառավարություն ենք, վրիպակներ ենք թույլ տալիս».Կարեն Կարապետյան
Կառավարության այսօրվա նիստում վարչապետի ժամանակավոր պաշտոնակատար Կարեն Կարապետյանն ուղղեց բացթողումը։ «Մոռացել ենք, շնորհավորում ենք պարոն քաղաքապետին՝ ընտրության հետ կապված, ցանկանում ենք նորանոր հաջողություններ, մենք ամեն ինչով սատարելու ենք, որ Երևանը դառնա ավելի լավը», - ասաց Կարեն Կարապետյանը, ում խոսքին հաջորդեց գործադիրի բուռն ծափահարությունները Տարոն Մարգարյանին։ Կարեն Կարապետյանը կառավարության նիստից առաջ հանձնարարական տվեց հանրապետությունում չաշխատող պետական գույքերի վերաբերյալ: Կարեն Կարապետյանի խոսքերով՝ «Մենք պայմանավորվել ենք, որ Հայաստանում պարապուրդում գտնվող գույքը պետք է այնպես անենք, որ հավելյալ արժեք ստեղծի»: Նա դիմելով ֆինանսների նախարարի պաշտոնակատարին՝, հետաքրքրվեց, թե ինչ փուլում է այդ գույքի հաշվառումն ու ուսումնասիրությունները: Վարդան Արամյանը ներկայացրեց, թե ինչ փուլում են աշխատանքները, վստահեցրեց, որ ավելի մանրամասն կներկայացնի առաջիկայում: Կարեն Կարապետյանն ասաց, որ պարապուրդում գտնվող գույքն աշխատեցնելու նպատակով կառավարությունը մտադիր է հարկային բեռը թեթեւացնել, ավելի կոնկրետ՝ այդպիսի գույքը աշխատեցնելու դեպքում կազատեն պրոգրեսիվ գույքահարկից:
Հետևեք մեզ Viber-ում
