Այդ երկրում դեռ չեն կողմնորոշվում, թե ով է ֆավորիտը.իրանագետ

Իրանագետ Վարդան Ոսկանյանը Հայելի ակումբում լրագրողների հետ հանդիպմանն անդրադառնալով Իրանի նախագահական ընտրութուններին և պայքարին ,ասաց. «Իրանում  նախագահի աթոռի համար  հիմնականում կպայքարեն երկու ճամբարի ներկայացուցիչները՝ բարեփոխիչների առաջնորդ, գործող նախագահ Հասան Ռոհանիի  եւ պահպանողական Էբրահիմ Ռաիսիի:Այդ երկրում դեռ չեն կողմնորոշվում, թե ով է ֆավորիտը: Սոցհարցումների արդյունքում նրանց հնարավորությունները գրեթե հավասար են: Բայց իրանցի ընտրողը չափազանց անկանխատեսելի է, եւ հաճախ է փոխում իր որոշումը: Այնպես որ, ամեն ինչ վճռվելու է հենց ընտրության օրը՝ քվեատուփերի կողքին»: Արտաքին քաղաքական ուղեգիծը Իրանում վճռում է ոչ թե նախագահը, այլ գերագույն հոգևոր առաջնորդը՝ այս պահի դրությամբ Ալի  Խամենեին: Դա նշանակում է, որ նախագահի ընտրությամբ ոչինչ հարաբերություններում չի փոխվի,անդրադառնալով հայ-իրանական հարաբերություններին ասաց իրանագետը և հավելեց. «Հայ –իրանական տնտեսական կյանքում  սպասողական վիճակ է: Պատժամիջոցներից հետո ունեցել ենք զգալի ձեռքբերումներ ու բացթողումներ: Գլխավոր ձեռքբերումը երրորդ բարձրավոլտ էլեկտրակայանի կառուցումն է: Իսկ կարեւոր բացթողումը կոմունիկացիոն խնդիրն է Հայաստանի եւ Իրանի միջեւ: Խոսքը երկաթուղու կառուցման եւ Հյուսիս-հարավ ավտոմայրուղու մասին է, որոնք ոչ մի կերպ դեռ ի կատար չեն ածվում»: