Թուրքիան կարող է կորցնել Հաթայը

MK-Turkey-ի փոխանցմամբ՝ Թուրքիայի նախկին արտգործնախարար Յաշար Յաքըշը զգուշացրել է, որ Թուրքիան ռիսկի է դիմում, եթե ներկայումս որոշի ռազմական միջամտություն իրականացնել Սիրիայի տարածքում։ Նրա խոսքերով՝ Թուրքիան կարող է դիտարկել Սիրիայում Ազեզի ու Ջերաբլուսի միջև ընկած գոտու (98 կիլոմետր) օկուպացման հնարավորությունը, որը հայտնի է որպես Mare Line՝ պաշտպանելու համար ընդդիմադիր ապստամբներին, սակայն դրա հետ մեկտեղ Թուրքիան խստապես ռիսկի է դիմում իր պլանի տապալման դեպքում կորցնել Հաթայ նահանգը։ Յաքըշն ընդգծել է, որ միջազգային հանրությունը չի հանդուրժի նման ռազմական միջամտություն, և Թուրքիային թույլ չի տա միայնակ վերաձևակերպել պետական սահմանները։