Բախտակիցները` ճակատագրով
Օրերս Մոսկվան պարզվեց, որ Ռուսաստանը չպետք է մեծ հույսեր կապի Վաշինգտոնի հետ փոխհարաբերությունները ջերմացնելու հարցում: Ռուսաստանի արտաքին գործերի նախարար Սերգեյ Լավրովն ԱՄՆ-ի նախագահ Դոնալդ Թրամփին է փոխանցել Ռուսաստանի պետության ղեկավար Վլադիմիր Պուտինի ուղերձը: Անտարակույս»,- պատասխանել է ՌԴ-ի նախագահի մամուլի քարտուղար Դմիտրի Պեսկովը լրագրողների այն հարցին, թե Լավրովը հանդիպմանը փոխանցել է արդյոք Պուտինի ուղերձը Թրամփին: Պեսկովը նշել է, որ «արտաքին գործերի նախարար Լավրովի շփումներն իրականացվել են ի շարունակումն այն հեռախոսազրույցի, որը վերջերս կայացել է երկու նախագահների միջև»: ՌԴ-ի նախագահի մամուլի քարտուղարը նշել է, որ Կրեմլում զուսպ լավատեսությամբ են գնահատում ՌԴ-ի և ԱՄՆ-ի հարաբերությունների զարգացումը Թրամփի և Լավրովի զրույցից հետո: «Դա դրական երևույթ է (Լավրովի հետ Թրամփի հանդիպումը), միևնույն ժամանակ այստեղ անհրաժեշտ է առայժմ զուսպ լավատեսություն, որովհետև առջևում մեծ աշխատանք է սպասում»,- ընդգծել է Կրեմլի ներկայացուցիչը: Ռուս-ամերիկյան հարաբերություններում այդ «զուսպ լավատեսության» պայմաններում Պուտինը գնաց պատասխան քայլի, ավելի ճիշտ` «հակընդդեմ» հայտարարությամբ հանդես եկավ: Եվրասիական տնտեսական միության հետ համագործակցության հանդեպ հետաքրքրություն են դրսևորում Եվրոպայի, Ասիայի և Լատինական Ամերիկայի մոտ 50 պետություններ, այս մասին հայտնել է ՌԴ նախագահ Վլադիմիր Պուտինը։ «Վստահորեն ընդլայնվում են ԵՏՄ-ի արտաքին կապերը։ Նրա հետ համագործակցության հանդեպ հետաքրքրություն են դրսևորում մոտ 50 երկրներ Եվրոպայից, Ասիայից, Լատինական Ամերիկայից»,-ասել է Պուտինը Պեկինում ընթացող «Մեկ գոտի-մեկ ուղի» ֆորումի երկրորդ օրը՝ «կլոր սեղան» հանդիպման ժամանակ։ Նա նշել է, որ բանակցություններ են տարվում ԵՏՄ-ի և Չինաստանի առևտրա-տնտեսական համագործակցության մասին համաձայնագրի, Իսրայելի հետ ազատ առևտրի շուրջ, պայմանավորվածություններ են ձեռք բերվել Եգիպտոսի, Իրանի, Հնդկաստանի, Սերբիայի և Սինգապուրի հետ խորհրդակցություններ սկսելու վերաբերյալ։ Ռուսաստանի շուրջ ստեղված իրավիճակը, Արևմուտքի հետ չկարգավորվող հարաբերությունները ստիպում են Պուտինին անել հայտարարություններ, որոնք կարող են «փրկել» Ռուսաստանի իմիջը, գոնե առայժմ հայտարարությունների և բարի ցանկությունների մակարդակով: Խնդիրն այն է, որ Հայաստանն էլ իր հերթին` ԵՏՄ-ում ստիպված է լինելու անվերջ սպասել` «բախտը» կապելով այդ կառույցի հետ: Իրականում, սակայն, անգամ փոքր Հայաստանը ԵՏՄ-ի «բարիքներից» չի օգտվել, ինչպե՞ս է Պուտինը մի քանի տասնյակ երկրներին, որոնք հետաքրքրություն են ցուցաբերում, ապացուցելու այդ կառույցի կենսունակությունը: Մետաքսյա Շալունց
Հետևեք մեզ Viber-ում
