«Ժառանգությունում» հունիսին նոր վարչություն կընտրեն

«Ժառանգություն» կուսակցության ղեկավար Րաֆֆի Հովհաննիսյանը, ով ԱԺ ընտրությունների պարտությունը գնացել էր ԱՄՆ-ում թոթափելու, վերադարձել է։ Եվ նախօրեին վարչության նիստ է հրավիրել, որից հետո, ի դեպ, Զարուհի Փոստանջյանի ու ոստիկանների միջև միջադեպը դատապարտող հայտարարություն տարածեցին, ինչը ոմանք հաշտեցման ժեստ դիտարկեցին։ «Նիստում Հովհաննիսյանը խոսել է իրենց անելիքների, արտախորհրդարանական ուժերի հետ համագործակցության և «իրավիճակային» պայքարի առաջամարտիկի դեր ստանձնելու մասին։ Դրա համար նախ պետք է վերազինել կուսակցությունը, իսկ հունիսին, թերևս, համագումար կանեն, նոր վարչություն կընտրեն», - հավելել է «Հրապարակ»-ը։