Փաշինյանն իրեն թշնամի է համարում ոչ թե Ալիևին, այլ` նախկին իշխանություններին. Էդուարդ Շարմազանով. video
Գլուխ եմ խոնարհում Արցախի ազատագրման համար զոհված ու կենդանի հերոսների առջև, ովքեր ամեն ինչ անում են, որպեսզի Արցախի անկախությունը միջազգայնորեն ճանաչելի լինի: Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է ՀՀԿ կուսակցության գործադիր մարմնի անդամ Էդուարդ Շարմազանովը։
Էդուարդ Շարմազանովի խոսքով՝ նշանակություն չունի՝ Արցախի կամ Հայաստանի իշխանություններն ովքեր են, յուրաքանչյուրիս ջանքերը պետք է ուղղված լինեն Արցախի խնդրի հայանպաստ լուծմանը. «Ես չեմ ցանկանա, որ Հայաստանի ներքաղաքական խնդիրները տեղափոխվեն Արցախ: Մենք տեսնում ենք, որ այսօրվա իշխանության արբանյակները գնում են Արցախ ու ասում՝ բարի գալուստ Արցախի մարզ: Արցախահայության պայքարն ուղիղ պայքար է, որի հիմքը ինքնորոշումն է»:
Ըստ Շարմազանովի՝ ոչ մի իշխանություն չի կարող Արցախի հարցը իջեցնել տարածքային վեճի մակարդակի:
Անդրադառնալով ներքաղաքական հարցերին, մասնավորապես՝ ընդդիմադիր ուժերի պասիվությանը, քանի որ տպավորություն է, որ դեռ օրակարգ թելադրողը Նիկոլ Փաշինյանն է, Էդուարդ Շարմազանովն ասել է. «Քաղաքական հիմնական ինտելեկտուալ պոտենցիալը գտնվում է խորհրդարանից դուրս, որը շատ վատ է Հայաստանի համար: Ցանկացած երկրում իշխանությունն ինչքան էլ վատը լինի, միևնույն է՝ օրակարգ թելադրելու հիմնական գործառույթն իշխանությանն է պատկանում»:
Էդուարդ Շարմազանովը բերելով մի քանի օրինակներ՝ հիշեցնում է, որ իրենց և ընդդիմադիր ուժերի շնորհիվ է, որ այսօր օրակարգում են Արցախի հարցը, ազգային արժեքների ու հայապահպանության հարցերը:
Էդուարդ Շարմազանովի խոսքով՝ կորոնավիրուսից մահացածների պատասխանատուն այս իշխանությունն է. «Մենք ու ընդդիմադիր ուժերը պնդում են, որ այսօրվա իշխանությունն է այսքան թվով մահերի քաղաքական պատասխանատուն: ՀՀ պատմության մեջ չի եղել այնպիսի իշխանություն, որն իր գործած սխալների համար պատասխանատվության չի ենթարկվել»:
Հետևեք մեզ Viber-ում
