Արտակարգ դեպք Լոռու մարզում.ճանապարհը երկկողմանի փակվել է. ՖՈՏՈՌԵՊՈՐՏԱԺ

Այսօր՝ մայիսի 16-ին, արտակարգ դեպք է տեղի ունեցել Լոռու մարզում։ Ժամը 12։20-ի սահմաններոմ Ալավերդի-Այրում ավտոճանապարհի Հաղպատ գյուղի վարչական տարածքում ապառաժ քարերի թափման հետևանքով ճանապարհը երկկողմանի փակվել է։ Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի ծառայողները՝ վաշտի հրամանատար Վահան Էվինյանի գլխավորությամբ։ Ժամանել են նաև Թումանյանի հրշեջ-փրկարարական ջոկատն ու տեղի ճանշինականները։ Այս պահին ձեռնարկվում են անհրաժեշտ գործողություններ՝ ճանապարհը բացելու համար։ Ֆոտոլրագրողը հայտնում է, որ փակված ճանապարհահատվածի երկարությունը կազմում է 30 մետր, իսկ լայնությունը՝ 9 մետր։ Ըստ նախնական տեղեկությունների՝ բարեբախտաբար, զոհեր և վիրավորներ չկան։ Դեպքի մասին տեղում Տրանսպորտի, կապի և տեղեկատվական տեխնոլոգիաների նախարարության «Հայավտոճան» ընկերության գլխավոր տնօրեն Աշոտ Արշակյանը տեղեկություններ է փոխանցում նախարար Վահան Մարտիրոսյանին, իսկ նախարարն էլ Ճանշինի աշխատանքներին հետևում է օնլայն եղանակով։ Լուսանկարները՝ Էդիկ Սիմոնյանի