Երեկ տեղեկություն տարածվեց այն մասին, որ Նինոծմինդայի շրջանի Թորիա գյուղի բնակիչների և Գարդանիի շրջանից ժամանած ադրբեջանցիների միջև ծեծկռտուք է եղել: Կան տուժածներ և բերման ենթարկվածներ: Դեպքի վերաբերյալ տեղեկություն ստանալու համար Tert.am-ը կապ հաստատեց Սամցխե-Ջավախքի մեդիա վերլուծական կենտրոնի տնօրեն Էդուարդ Այվազյանի հետ:
Նրա փոխանցմամբ՝ երեկ Կաթնատու գյուղի մոտակայքում և սահմանամերձ հատվածում, որտեղ գտնվում են Թորիա գյուղի ամառային արոտավայրերը տեղի է ունեցել բախում: Հայերի և ադրբեջանցիների կողմից կա 11 բերման ենթարկված, որի պատճառով այսօր Նինոծմինդա շրջանի Ոստիկանության դիմաց ցույց է եղել: Նախնական տվյալներով՝ բերման ենթարկվածներից 3-ը հայկական գյուղերից են:
«Թուշերը և ադրբեջանցիները իրենց ոչխարներին տարել են արածեցնելու հայկական գյուղերի արոտավայրեր և դա խնդիր է առաջացրել և փոքրիկ բախում է եղել, որը հետո վերածվել է մասսայական բախման, ինչի արդյունքում, մեր տեղեկություններով, մի քանի մարդ վնասվել է, իսկ մի քանի մարդ բերման է ենթարկվել ոստիկանություն:
Այդ պատճառով Նինոծմինդայի շրջանում այսօր ոստիկանության դիմաց տեղի հայերը բողոքի ցույց էին իրականացնում` պահանջելով, որ թուշերը և ադրբեջանցիները պատժվեն և հեռանան հայկական գյուղերի արոտավայրերից: Հիմնական պահանջը դա էր և ասում էին, որ եթե պահանջը չկատարվի, իրենք ինքնուրույն կլուծեն այդ հարցը»,- պարզաբանեց Էդուարդ Այվազյանը:
Նրա խոսքով՝ երկու-երեք ամիս առաջ նմանատիպ խնդիր առաջացել է Ախալցխայի շրջանում, երբ թուշերը և ադրբեջանցիները 15 հազար գլուխ ոչխարը բերել և հայկական գյուղերի արոտավայրերում էին արածեցնում, ինչը մեծ խնդիր էր առաջացրել: Այդ ժամանակ ևս Նահանգապետարանի դիմաց բողոքի ցույց է իրականացվել՝ պահանջով, որ նրանց հեռացնեն այդ տարածքից, սակայն մի քանի անարդյունք բողոքի ցույցերից հետո, մարդիկ ինքնուրույն փորձեցին հեռացնել նրանց. «Միայն մեկ ամիս առաջ հեռացան Ախալցխայի շրջանից, բայց Նինոծմինդայում և Ախալքալաքում թուշերը և ադրբեջանցինեը միշտ էլ փորձում են մոտենալ հայկական արոտավայրերին և նման խնդիրներ լինում են, ուղղակի այս անգամ բախումը եղել է ավելի մասշտաբային»:
Սեպտեմբերի 21-ին՝ ժամը 14։00-ին, Հայելի ակումբի հյուրն է Կարապետ Պողոսյանը
Սեպտեմբերի 21-ին՝ ժամը 14։30-ին, Հայելի ակումբի հյուրն է Սուրեն Սուրենյանցը
Սեպտեմբերի 21-ին՝ ժամը 12։30-ին, Հայելի ակումբի հյուրն է Նաիրա Զոհրաբյանը
Սեպտեմբերի 21-ին՝ ժամը 11։00-ին, Հայելի ակումբի հյուրն է Հայկ Նահապետյանը
Սեպտեմբերի 18-ին՝ ժամը 13։00-ին, Հայելի ակումբի հյուրն է Ռուզաննա Ստեփանյանը
Սեպտեմբերի 18-ին՝ ժամը 11։00-ին, Հայելի ակումբի հյուրն է Արամ Գասպարի Սարգսյանը
Սեպտեմբերի 17-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Սեպտեմբերի 17-ին՝ ժամը 15։30-ին, Հայելի ակումբի հյուրն է Հովհաննես Շահինյանը
Սեպտեմբերի 17-ին՝ ժամը 15։00-ին, Հայելի ակումբի հյուրն է Հովհաննես Իշխանյանը
Սեպտեմբերի 17-ին՝ ժամը 14։00-ին, Հայելի ակումբի հյուրն է Նարինե Դիլբարյանը
Հետևեք մեզ Viber-ում
