Սա ճի՞շտ է: Ես մինչեւ էսօր Նիկոլի կողմից եմ եղել, բայց էսօրվանից լրիվ հիասթափվել եմ իրենից. Աղբյուր Սերոբ 7–ի բնակիչ (video)

«Հայկ ջան, մոռացե՞լ ես Կիեւյան-10 շենքի հայաթը, որ պապադ էր այդտեղ ապրում, ես էլ էի այնտեղ ապրում. այդ հայաթի կանաչ ծառերը հատել ես տվե՞լ:  Էս ի՞նչ է մեր քաղաքի վիճակը: Այս նեղ փողոցում էն կողմն էլ է առած, էնտեղ էլ բարձրահարկ շենք կառուցվելու: Խեղդվե՞ն էս մարդիկ էստեղ: Սա ճի՞շտ է: Ես մինչեւ էսօր Նիկոլի կողմից եմ եղել, բայց էսօրվանից լրիվ հիասթափվել եմ իրենից: Ես չեմ ասում, թե ինքը սուտասան է, ես իր շատ բաները հավանում եմ, բայց հիմա վախենում ենք 11 տարեկան երեխային խանութ ուղարկել: Հիմա լրիվ բեսպրեդել ա գնում քաղաքում:

Հայկ, ամոթ քեզ, հազար ամոթ: Դե հատեք քաղաքի բոլոր ծառերը, մի թողեք մնան: Իրենք քաղաքը լրիվ դժոխք են դարձնում: Մենք լավն էինք սպասում, Նիկոլ ջան, ոչ թե բեսպրեդել քաղաք դարձնես»,- լրագրողների հետ զրույցում ասաց Աղբյուր Սերոբ 7 հասցեի բնակիչներից մեկը, ով դեմ է շենքի հարակից տարածքում բարձրահարկ շենք կառուցելուն։