«Արտառոց ահազանգ չի ստացվել». Տիգրան Մուկուչյան

ԿԸՀ նախագահ Տիգրան Մուկուչյանը լրագրողների հետ հանդիպմանը հայտարարեց Երևանի ավագանու ընտրությունների քվեարկության ընթացքում խախտումների վերաբերյալ հաղորդումներն ու ահազանգերն աննախադեպ քիչ են եղել նախորդ ընտրությունների համեմատ: «Բովանդակային առումով էլ, եթե փորձենք գնահատական տալ երեկ օրվա ընթացքում ստացած ահազանգերին, ապա, ըստ էության, դրանք վերաբերում էին առանձին ինչ-ինչ դեպքերի, բայց  որևէ արտառոց ահազանգ օրվա ընթացքում չի ստացվել:Ոստիկանությունը և դատախազությունը նույնպես զբաղվել են նման հաղորդումներով:Իրավապահ մարմինները անմիջապես արձագանքում են բոլոր նման ահազանգերին, կատարում են ուսումնասիրություններ և, եթե հայտնաբերվում են իրավախախտման դեպքեր, օրենքով սահմանված կարգով ձեռնարկվում են միջոցառումներ»,- ասաց Մուկուչյանը: