Մերկելի կուսակցությունը հաղթել է Շուլցին

Նորացված նախնական տվյալների համաձայն՝ Քրիստոնեադեմոկրատական միությունը՝ Գերմանիայի գործող կանցլեր Անգելա Մերկելի գլխավորությամբ, առաջատարն է Հյուսիսային Հռենոս-Վեստֆալիա դաշնային երկրամասի տարածաշրջանային ընտրություններում: ՔԴՄ-ն հավաքել  է ձայների 34,3 տոկոսը, երկրորդ տեղում Գերմանիայի սոցիալ-դեմոկրատական կուսակցությունն է` ձայների 30,6 տոկոսով: Հաջորդ տեղերում են ազատ դեմոկրատները (12.2 տոկոս), «Կանաչները» (6 տոկոս), «Ձախերը» (5 տոկոս), ինչպես նաեւ «Այլընտրանք Գերմանիայի համար» եվրասկեպտիկների կուսակցությունը (7,7 տոկոս): Ընտրական հանձնաժողովի տվյալներով՝ ընտրություններին մասնակցել է ընտրողների 65,5 տոկոսը, ինչը գրեթե 6 տոկոսով ավելի է, քան 2012 թվականին կայացած նախորդ ընտրություններում: ԳՍԴԿ-ի նախագահ եւ Եվրախորհրդարանի նախկին ղեկավար Մարտին Շուլցը հայտարարել է, որ ընտրություններում կրած պարտությունը ծանր օր է կուսակցության համար, բայց պայքարը կշարունակվի Բունդեսթագի ընտրություններում: «Ծանր օր է ԳՍԴԿ-ի համար, ծանր օր է անձամբ ինձ համար. ես ծնունդով դաշնային այն երկրամասից եմ, որտեղ մենք պարտություն կրեցինք»,- ասել է նա: