Երևանում ժամը 18:00-ից 20:00-ն ընկած ժամանակահատվածում գրանցված ընտրախախտումները. «Քաղաքացի դիտորդ»

«Իրավունքի Եվրոպա միավորում» ՀԿ-ն, «Քաղաքացի դիտորդ» նախաձեռնության շրջանակներում, դիտարկում է Երևանի ավագանու ընտրությունները։ Այսօր ժամը 18:00-ից 20:00-ն ընկած ժամանակահատվածում Երևան քաղաքի տարբեր ընտրատեղամասերում նախաձեռնությունը գրանցել է 5 ընտրախախտում: Այդ մասին նախաձեռնությունը տեղեկացնում է ֆեյսբուքյան էջի և կայքի միջոցով: Արձանագրված խախտումները կապված են եղել դիտորդի իրավունքների սահմանափակման, ուղղորդման, կրկնակի քվեարկության փորձի հետ: Գրանցվել է նաև գրանցված ընտրողների ցուցակների վարման խախտում դեպք: Ստորև ներկայացնում ենք խախտումները ժամը 20:00-ի դրությամբ. 7/43 19:27:00 Ավելորդ քվեաթերթիկի առկայություն տեղամասում Քվեախցիկի ներսում գտնվող չօգտագործված քվեաթերթիկների համար նախատեսված արկղի մեջից գտնվել է չօգտագործված քվեաթերթիկ: Քվեարկողն ասել է, որ այդ քվեաթերթիկը եղել է արկղում, երբ նա մտել է քվեախցիկ: Հանձնաժողովի նախագահը տեղեկացված է խախտման մասին: Խախտումը/ խախտման վերաբերյալ գնահատականն արձանագրվել է տեղամասային ընտրական հանձնաժողովի գրանցամատյանում: 4/5 16:55:00 Կուտակում տեղամասի մոտ Ժամը 16:55-ի սահմաններում նկատվել է կուտակում տեղամասի մոտակայքում: Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, սակայն որևէ գործողություն չի ձեռնարկվել։ Կուտակումը ինքնըստինքյան կարճ ժամանակ անց վերացվել է: 4/5 17:22:00 Հերթափոխի կարգի խախտում Դիտորդը ժամը 17:22 րոպեին ներկայանալով տեղամաս հայտնաբերել է, որ հանձնաժողովի անդամներից 3-ը, ովքեր պետք է նշված ժամին ըստ գրանցամատյանի իրականացներ գործառույթ, տեղում չեն, մեկը՝ Գրիգորյան Սուսաննա (այդ պահին ցուցակների վարման պատասխանատու) դուրս է եկել տեղամասից, որպեսզի քվեարկի և հետ գա, իսկ մյուս երկուսը՝ Բրուտյան Սերգեյն (այդ պահին քվեաթերթիկներ տրամադրելու պատասխանատու) ու Արամյան Հայկը (այդ պահին ցուցակների վարման պատասխանատու) դուրս են եկել, որպեսզի ճաշեն: Գրանցամատյանում գրանցված չէ, որ նրանց որևէ այլ անդամ այդ պահին փոխարինում էր: Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, սակայն որևէ գործողություն չի ձեռնարկվել։ Խախտումը/խախտման վերաբերյալ գնահատականը չի գրանցվել տեղամասային ընտրական հանձնաժողովի գրանցամատյանում: Վերջին հանգամանքը դիտորդի կողմից արձանագրվել է ձայնագրությամբ: 4/5 19:45:00 Քվեարկության գաղտնիության և կահավորանքի խախտում 4/6 տեղամասի դիտորդը արձանագրել է, որ 3 քվեախցիկներից մեկը տեղակայված է այն կերպ, որ դրա հետնամասում ազատ տարածություն է, այլ սենյակ (բաց), ընդ որում այդ տարածքում անցուդարձ է: Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, հատկապես՝ տեղափոխել քվեախցիկը այլ տեղ, սակայն որևէ գործողություն չի ձեռնարկվել։ Խախտումը/խախտման վերաբերյալ գնահատականը չի գրանցվել տեղամասային ընտրական հանձնաժողովի գրանցամատյանում: 4/5 17:24:00 Քվեարկության գաղտնիության և կահավորանքի խախտում 4/6 տեղամասի դիտորդը արձանագրել է, որ 3 քվեախցիկներից մեկը տեղակայված է այն կերպ, որ դրա հետնամասում ազատ տարածություն է, այլ սենյակ (բաց), ընդ որում այդ տարածքում անցուդարձ է: Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, հատկապես՝ տեղափոխել քվեախցիկը այլ տեղ, սակայն որևէ գործողություն չի ձեռնարկվել։ Խախտումը/խախտման վերաբերյալ գնահատականը չի գրանցվել տեղամասային ընտրական հանձնաժողովի գրանցամատյանում: