Ղալաթ կանի մեկը, որ կասի` կառավարությունը կոռումպացված է․ Փաշինյան (video)
«Էն ժամանակ ասում էին կառավարությունը կոռումպացված է ՀԴՄ չենք խփում, հիմա էլ է՞ կոռումպացված, ղալաթ կանի մեկը, որ կասի կառավարությունը կոռումպացված է։ ՀԴՄ չխփելը զինվորի հացը գողանալ է»,-այս մասին այսօր կառավարության նիստում ասաց ՀՀ վարչապետ Նիկոլ Փաշինյանը։
Նիկոլ Փաշինյանը նշեց, որ երբ խոսում են հարկային կարգապահության բարձրացման մասին, բոլորն ասում են, որ դա չեն կարող անել։
«Ոչ մեկը չի ասում, որ մեր պետական և անձնական ամբիցիաները բավարարելու համար պետք է բոլորս ավելի շատ աշխատենք։ Այսօր խոսում են գույքահարկի բարձրացման մասին և փորձում են դրա հետ կապված խնդիր առաջացնել։ Ոչ մեկը չի ասում՝ եկեք տեսնենք, թե Երևանի կենտրոնում գույքահարկը քանի՞ կոպեկ է, ոչ մեկը չի արձանագրում, որ Հայաստանում անշարժ գույքի հարկ ընդհանրապես գոյություն չի ունեցել, որովհետև փախեփախի տրամաբանության մեջ է եղել, որովհետև անշարժ գույքի կադաստրային արժեքը դրված է եղել սեփականաշնորհումների հիմքում և չնչին կոպեկներով այս դահլիճում ամբողջ Հայաստանի գույքը ոչ միայն սեփականաշնորհվել է, այլև դրանից հետո գույքահարկ չի վճարվել»,- ընդգծեց Փաշինյանը:
Հետևեք մեզ Viber-ում
