Նախկին պաշտոնյաներ, թաղապետարանի աշխատակիցներ հսկում էին տեղամասերը. Զարուհի Փոստանջյան

Երևանի քաղաքապետի թեկնածու «Երկիր ծիրանի» կուսակցության նախագահ Զարուհի Փոստանջյանն՝ Աճառյան 22 հասցեում գտնվող Տարոն Մարգարյանի ընտրական շտաբում տեղի ունեցած միջադեպի առնչությամբ հրատապ ասուլիսի ժամանակ հայտարարեց, որ  երեկ երեկոյան հայտնի դարձավ ընտրակեղծարարության վերաբերյալ հայտնի փաստը՝ չհրկիզվող պահարանի տեղափոխությունը, դռների բացելը։ «Արդեն երեկ երեկոյան հայտնի դարձավ ընտրակեղծարարության վերաբերյալ արտառոց մի փաստ՝ չհրկիզվող պահարանների տեղափոխությունը, դռների բացումը: Որևէ պաշտոնական պարզաբանում այդպես էլ չտրամադրվեց ո՛չ մեզ, ո՛չ ձեզ, ո՛չ էլ հանրությանը։ Ամբողջ գիշեր հետազոտություն ենք կատարել, թե ինչպես են տեղամասերում չհրկիզվող պահարանները տեղադրված և 50%-ից ավելի տեղամասերում դրանք տեսանելի չէին։ Առավոտյան, երբ գնացինք տեղամասեր, շրջում էնք, ապա տեսանք, որ ցանկացած ընտրատեղամաս ուներ մեծաքանակ վերահսկիչներ, ովքեր ներկայացնում էին տվյալ բնակավայրի տարբեր սոցիալական շերտերը՝ նախկին պաշտոնյաներ, թաղապետարանի աշխատակիցներ, երիտասարդներ 18, 17, 20 տարեկան և թաղային հեղինակություններ»,- տեղեկացրեց նա: