Պետք է փոխվի իրավիճակը, որ մարդկանց չծեծեն փողոցի մեջտեղում. բռնության ենթարկված Սյուզին մանրամասնեց /տեսանյութ/

«Նոր Հայաստան» շարժման համակիր Սյուզի Գևորգյանին ծեծի ենթարկելու գործով նախաքննությունը շարունակվում է: Այս մասին նշեց  ակտիվիստը Henaran.am –ի թղթակցի հետ զրույցում : Սյուզի Գևորգյանը տեղեկացրեց, որ  արդեն իրականացվել է երկրորդ դատաբժշկական փորձաքննությունը: «Գործը որքան հնարվոր է,  ձգձգում են, մեկ ամսից ավել անցել է, բայց դեռ դատաբժշկական փորքձաքննություն է իրականացվում: Այժմ պետք է նոր փուլ անցնեին և կարևորությունը ուրիշ հարցի տված լինեին»: Նա տեղեկացրեց, որ դեպքի վայրում տեսախցիկներ կան տեղադրված: «Երկրորդական է դատաբժշկի մոտ գնալը, հիմա պետք է ուսումնասիրեն տեսագրություննեը: Բազմաթիվ տեագրություններ կան, որոնք պետք է ուսումնասիրվեն: Բայց արդեն մեկ ամսից ավելի է, որ ամեն օր հիվանդանոցներում եմ»,-ասաց Սյուզին: Սյուզին փաստեց , որ այս պահին ինքը ավելի շահագրգռված է, որպեսզի երկրում արդարություն հաստատվի: «Պետք է փոխվի իրավիճակը, որ մարդկան չծեծեն փողոցի մեջտեղում, կամ Ազատության հրապարակ տոնածառ բերելու  համար բերման չենթարկեն»,-եզրափակեց Սյուզի Գևորգյանը: Հիշեցնենք, որ հունվարի 5-ին՝ ժամը 19-ի  սահմաններում միջին տարիքի երկու ամրակազմ տղամարդիկ դարանակալել էին «Նոր Հայաստան» ճակատի աջակից, ռուսաստանաբնակ Սյուզի Գևորգյանին, հետապնդել նրան, այնուհետև վրա հասնելով՝ գետնին տապալել և ոտքերով բազմաթիվ հարվածներ հասցրել նրա գլխին, դեմքին և մարմնի տարբեր մասերին՝ պատճառելով մարմնական վնասվածքներ: Երիտասարդ աղջկա վրա հարձակվողները հեռացել են միայն այն ժամանակ, երբ նրա օգնության կանչերի վրա մարդիկ սկսել են մոտենալ: Հարվածներ հասցնելու ժամանակ հարձակվողներն ասել են, թե քեզ ասացինք, որ հեռու մնաս, ինչու չլսեցիր: Սյուզի Գևորգյանն այն արտերկրում բնակվող երիտասարդներից մեկն է, որ Հայաստան է ժամանել հանրաքվեի ընթացքում՝  «Ոչ»-ին աջակցելու համար և շարունակում է պայքարը հանրաքվեի արդյունքների կեղծման դեմ: Աստղիկ Ավագյան Մանրամասները՝ տեսանյութում: