Ինչու է Փաշինյանն ամեն գնով ուզում ՍԴ գործուղել աղմկահարույց թեկնածուին

Կառավարության առաջադրրած ՍԴ դատավորի թեկնածու Վահրամ Ավետիսյանի եւ իշխանական պատգամավորների՝ ավելի քան երեք ժամ տեւած հադիպումը կարծես թե բուռն մթնոլորտում է անցել: Դա պարզորոշ դարձավ լրագրողների հետ թեկնածուի ճեպազրույցից: Հայտնի է, որ իշխանական ֆրակցիայում այս թեկնածությունը մեծ դիմադրություն է առաջադրել՝ պայմանավորված հոր՝ Վճռաբեկ դատարանի քրեական պալատի նախկին նախագահ Դավիթ Ավետիսյանի հանգամանքով: Ավագ Ավետիսյանի ձեռամբ են դակվել Սերժ Սարգսյանի իշխանության տարիների իրավական բոլոր աղմկոտ վճիռները, այդ թվում մարտիմեկյան գործերով: Այս փաստն ինքնին խնդրահարույց է եւ իշխանական պատգամավորների ՀԱԿ-ական թեւը ամեն ինչ անում է, որպեսզի Վահրամ Ավետիսյանի ոտքը ՍԴ չմտնի: Նրանք համարում են, որ դա կլնի խայտառակություն թե բարոյական տեսանկյունից, թե իրավական, քանզի թեկնածուն առնվազն կաշկանդված է լինելու հոր կայացրած վճիռների անաչառ քննության հարցում, եթե չասենք, որ թեկուզ անուղղակիորեն փորձելու է իր ազդեցությունն ունենալ:

Դեմ է նաեւ ՍԴ դատավարո Վահե Գրիգորյանը՝ կրկին նույն պատճառով: Հաշվի առնելով, որ նա ԱԺ նախագահ Արարատ Միրզոյանի մտերիմն է , իսկ վերջինս իր ազդեցության ներքո պատգամավորների մեծ խմբավորում ունի, ապա իշխող ֆրակցիայում կարելի է ասել գերակշռող հատվածը դեմ է թեկնածուին եւ հնարավոր է, որ տապալվի նրա ընտրությունը:

Ինքը՝ թեկնածուն իր խոսքի տողատակերում հասկացրեց նման սցենար, ասելով, որ այս պարագայում դատավորները պատգամավորներն են եւ պետք է սպասել նրանց որոշմանը: Չբացառեց նաեւ ինքնաբացարկի հավանականությոնը՝ ակնարկեց, թե դա կախված է հանրային արձագանքներից; Ավետիսյանի համար մի բան փաստ է, որ Իմ Քայլի գերակշռող մասը իրեն ծանոթ չեն, չգիտեն իր մասնագիտական ունակությունները եւ առաջնորդվել են մամուլի հրապարակումներով: Միեւնույն է՝ չի ընդունում հոր գործոնով իրեն ուղղված քննադատությունները:

Ի պատասխան նկատառման, թե ժամանակին հայրն է դակել քաղաքական դատավարությունների, այդ թվում «Մարտի 1»-ի գործով մեղադրանքները, եւ «Մարտի 1»-ի զոհերի հարազատները և նախկին քաղբանտարկյալները կոչ են արել կառավարությանը հետ կանչել իր թեկնածությունը, Վահրամ Ավետիսյանն ասաց. «Այդ հարցը տարբեր ասպեկտներով քննարկվեց: Իմ մոտեցումը հետեւյալն է, որ ես ամենեւին չեմ ուզում արդարացնել նորանկախ Հայաստանում դատական համակարգում առկա խնդիրները: Նաեւ չեմ պատրաստվում դառնալ դատական համակարգի «մեղքերի» քավության նոխազը»:
Համաձայնեք՝ ուշագրավ իրավիճակ է ստեղծվել ՍԴ-ի շուրջ: Թվում էր, թե ՍԴ-ն գործող կազմը աղմկահարույց եւ հակաիրավական ճանապարհով լուծարելուց հետո իշխանությունը պետք է հազար չափի, մեկը կտրի սկզբունքով ընտրի հնարավորնս անխոցել, քաղաքականապես չեզոք թեկնածու, բայց չգիտես ով, չգիտես ինչու դեմ է տվել Վահրամ Ավետիսյանին, մամուլում, ի դեպ, երկու անուն է շրջանառվում՝ վարչապետի իրավական խորհրդատու Աննա Վարդապետյանի եւ նախարար Ռուստամ Բադասյանի:

Վարդապետյանը Վճռաբեկում եղել է թեկնածուի հոր օգնականը: Հիմա, կամ այս աղջիկը որոշել է ինքնագլուխ լավություն անել նախկին շեֆին՝ կրակի մեջ գցելով գործողին, հատկապես, որ Փաշինյանը նրան լայն լիազորություններով է շնորհել, եթե Աննա Հակոբյանը վարչապետի՝ անձնական հարցերով թագուհին է, Վարդապետյանն էլ՝ իրավական: Այդուհանդերձ քիչ հավանական ենք համարում այս սցենարը, քանզի դժվար թե խորհրդականն այդպիսի համարձակություն ունենար, եւ Փաշինյանի դեմ ժամանակին վճիռ կայացրած մարդու զավակին ներկայացներ լավագույն թեկնածու: Ակնհայտ է, որ շուրջ մեկ տարի է Մարտի 1-ի գործը Փաշինյանի համար այլեւս այն կարեւորությունը չունի , որքան ՀԱԿ-ական շրջանակ ների համար: Զոհերի եւ տուժածների իրավահաջորդների փոխհատուցման հարցը լուծելով Փաշինյանին թվում է, թե լուծեց նաեւ խնդիրը, գործը բացահայտվեց, նա այսպիսի հայտարարություններ էլ արեց, իսկ թե ինչ է կատարվում իրականում, բոլորս եք տեսնում: Հիմա հարց է առաջանում՝ Մարտի 1-ի գործով դատավճիռների կնքահոր որդին ինչու է օդուջրի պես հարկավոր Փաշինյանին եւ նա կարծես թե դեմ գնալով թիմին որոշել է ամեն գնով իր թեկնածուին գործուղել ՍԴ, սա նշանակում է, որ վարչապետը հույժ կարեւոր գործեր ունի հայր եւ որդու մասնակցությամբ՝ գործեր կոծկելու, փակելու, որոշների դեմ սարքելու ուղղությամբ:

Անի Սահակյան