Նիկոլ Փաշինյանն ու Հայաստանը երկու Աննաների ձեռքերում

Վարչապետ Նիկոլ Փաշինյանի մարտի 2-ի որոշմամբ Աննա Վարդապետյանը նշանակվել է վարչապետի օգնականի պաշտոնում: Վարդապետյանը նախկին համակարգում թրծված կադր է:

ՀՀ դատական դեպարտամենտի ղեկավարի առաջին տեղակալ, Դատարանների նախագահների խորհրդի քարտուղարն է եղել, ՀՀ վճռաբեկ դատարանի նախագահի խորհրդական, ավագ օգնական, իրավական փորձաքննությունների վարչության ավագ մասնագետ, հեղափոխությունից հետո նշանակվել է արդարադատության նախարարի խորհրդական, ապա առաջին տեղակալ: Մի քանի ամիս է` Նիկոլ Փաշինյանը նրան տեղափոխել է իր կաբինետ, բոլորը խոսում են այն մասին, որ Վարդապետյանի հսկողության տակ են կարվում քրեական բոլոր գործերը, հակաիրավական բոլոր այլանդակությունները այս աղջկա մտքի արգասիքն են, երեւակայությունը, իրավական բեսպրեդելը՝ կապված Սահմանադրական դատարանի եւ այլ ոլորտների հետ: Բոլորը քրեակա գործերի պապկաներով ներկայանում են վարչապետի խորհրդականին, կամ էլ վերջինս իր կաբինետում հավաքում է գործերը եւ ուղարկում համապատասխան տեղեր: Մի խոսքով, Հայաստանում ընթացող իրավական ցանկացած շարժի հեղինակն ու առաջ տանողը սույն աղջիկն է` Աննան Վարդապետյանը:

Կարող ենք փաստել, որ Նիկոլ Փաշինյանն ու Հայաստանը հայտնվել են երկու Աննաների ձեռքում: Գաղտնիք չէ, որ վարչապետի տիկին Աննա Հակոբյանն էլ իր ակտիվությամբ է գերազանցում նախկին ղեկավարների կանանց: Նա ծալած ունի անգամ Սեյրան Օհանյանի հանրահայտ տիկնոջը: Եթե Ռուզաննա Խաչատյանի անշառ ակտիվությունը մեծ հաշվով պետության տեսանկյունից լուրջ ազդեցություն չուներ, տիկինը սեփական հագուստը, բանտիկներն ու ծաղիկնեի գույների համապատասխանության եւ լուսանկարվելու մոլուցքով էր տառապում, ապա Փաշինյանի տիկինը անմիջական ազդեցություն է գործում պետական կառավարման հարցում: Բոլորը գիտեն, որ պետական համակարգում կադրային խոշոր քաղաքականությունը տեղավորվում է նրա ճաշակի եւ մերձավոր բարեկամների ու ընկերնեի տիրույթոմ, նա է ընտրում՝ ով որտեղ պիտի նշանակվի բարձր պաշտոնի, ով պետք է հրաժեշտ տա պաշտոնը: Նա ասում են՝ ընդդմադիրների հետ փոխհրաձգությունների ժամանակ նույնիսկ տեքստեր է բաժանում որոշ պատգամավորների, որպեսզի իր լուման ունենա այդ պատերազմում: Իսկ ամենավտանգավորն այն է, որ տիկինը թուրքական հինգերորդ շարասյան առաքելություն է վերցրել իր վրա եւ Արցախի հարցում վտանգավոր խաղաղասիրության քարոզ է տարածում, որի հետեւանքները համայն հայությունն արդեն զգում է իր վրա:

Անի Սահակյան