Մոսկվայում ուտում են Փաշինյանի «եփած բորշը»

Հայկական և ադրբեջանական սփյուռքում ծայրաստիճան սրացումներ են, ազգամիջյան կոնֆլիկտը լարման ամենաբարձր կետին է: Այս իրավիճակի առիթը հայ-ադրբեջանական սահմանային վերջին լարվածություններն էին, ծիրանային հայտնի պատերազմով տրվեց հայ-ադրբեջանական ազգամիջյան պատերազմի մեկնարկը ողջ աշխարհում: Հայերի ու ադրբեջանցիների մեջ բախումներ են ընթանում գրեթե բոլոր երկրներում, դրանք իրարից, անշուշտ տարբերվում են դրսեւորման բնույթով, բայց բոլոր դեքերում վտանգավոր են, օրինակ, Ռուսաստանում Ադրբեջանը տանում է ակնհայտ քաղաքականություն նաեւ հայերի բիզնեսների դեմ։ Ռուսաստանում են նաև բախումների ամենամեծ մասշտաբները։ Երեկ գիշեր Մոսկվայում հայերի և ադրբեջանցիների միջև ծեծկռտուքն ավարտվել է զանգվածային ձերբակալությամբ: «Московский Комсомолец»-ը հայտնել է, որ Մոսկվայի Մարյինո շրջանում գիշերը բախում է տեղի ունեցել ադրբեջանցիների և հայերի միջև, որ ադրբեջանցիները ջարդում էին հայկական պետհամարանիշերով ավտոմեքենաներ: Թերթը հայտնում է նաև մի քանի տուժածների մասին, և որ Մոսկվայի ոստիկանությունն ու «Ռոսգվարդիա»-ն ձերբակալել են 13 մարդու: Նույն «Московский Комсомолец»-ը հայտնել է նաև, որ ավելի վաղ Մարյինո շրջանի այգիներից մեկում մի խումբ հայեր ծեծել են ադրբեջանցու: Իրավիճակն այնքան վտանգավոր է, որ ահազանգում է նաեւ ՌԴ-ում Հայաստանի դեսպանը:

Մոսկվան միակ վայրը չէ, ուր ընթանում ե ազգամիջյան բախումներ` Վարշավա, Բրյուսել, ամենուր կրքեր են բորբոքվում: Այս օրերին քաղաքագետները փաստում են, որ հայ-ադրբեջանական հակամարտությունը նոր չէ, բայց նման մասշտաբների քաղաքացիական բախումներ չեն եղել եւ ոչ մի ժամանակ՝ ոչ 90-ականների պատերազմի ընթացքում, ոչ Սումգայիթի, Խոջալուի, Կիրովաբաթի դեպքերից հետո:

Այս վիճակի գլխավոր մեղավորն ու պատասխանատուն Նիկոլ Փաշինյանի իշխանությունն է՝ Ադրբեջանի նկատմամբ տարվող իր խաղաղասիրական քաղաքականությամբ եւ «կիրթ» հակառակորդների դեմ ոչ ադեկվատ քաղաքականությամբ: Նիկոլ Փաշինյանին ու իր ռազմագետ տիկնոջը թվում էր, թե նախկինների որդեգրած՝ «զենքով կա հային փրկություն» քաղաքականությունը հակադեմոկրատական է եւ հակառակորդի հետ պետք է խոսել խաղաղության կոչերով: Այս մարդիկ ոչ պատմություն գիտեն, ոչ ջարդերից են տեղյակ, ոչ էլ մեր օրերն eն հիշում, երբ քնած ժամանակ սպանեցին Գուրգեն Մարգարյանին: Եւ այսքանից հետո խաղաղասիրության քարոզ անելը՝ կնշնակի ջուր լցնել մարդատյաց Ադրբեջանի ջրաղացին: Արդյունքն էլ սպասեցնել չտվեց:

Իսկ հիմա Նիկոլ Փաշինյանը պիտի ոչ թե սովորության համաձայն ձեռքերը լվանա իր առաջացրած բոլոլայից, այլ բախումները դադարեցնելու եւ կանխելու համար անհապաղ միջոցներ ձեռնարկի: Հայաստանը պետք է ակտիվացնի իր բոլոր ռեսուրսները, օգտագործի դիվանագիտական խողովակները, պաշտոնապես եւ ոչ պաշտոնապես դիմի ազդեցիկ հայերին:

Անի Սահակյան